ಉಜಿರೆ: ಗ್ರಾಮೀಣ ಭಾಗದ ನಿರುದ್ಯೋಗಿ ಯುವಕ–ಯುವತಿಯರು ಹಾಗೂ ಸ್ವಯಂ ಉದ್ಯೋಗ ಆಕಾಂಕ್ಷಿಗಳಿಗೆ ಸ್ವಾವಲಂಬಿ ಬದುಕು ಕಟ್ಟಿಕೊಳ್ಳಲು ನೆರವಾಗುವ ನಿಟ್ಟಿನಲ್ಲಿ, ಶ್ರೀ ಕ್ಷೇತ್ರ ಧರ್ಮಸ್ಥಳದ ಸಿದ್ಧವನದಲ್ಲಿರುವ ರುಡ್ಸೆಟ್ ಸಂಸ್ಥೆಯು 12 ದಿನಗಳ ಉಚಿತ ಕೋಳಿ ಸಾಕಾಣಿಕೆ ತರಬೇತಿಯನ್ನು ಆಯೋಜಿಸಿದೆ.
ಸೆಪ್ಟೆಂಬರ್ 7 ರಿಂದ 18 ರವರೆಗೆ ಉಜಿರೆಯ ಸಿದ್ಧವನದ ರುಡ್ಸೆಟ್ ಸಂಸ್ಥೆಯ ಆವರಣದಲ್ಲಿ ತರಬೇತಿ ಶಿಬಿರ ನಡೆಯಲಿದೆ. ಪ್ರತಿದಿನ ಬೆಳಗ್ಗೆ 9.30 ರಿಂದ ಸಂಜೆ 5.30 ರವರೆಗೆ ತರಗತಿಗಳು ನಡೆಯಲಿದ್ದು, ಆಯ್ಕೆಯಾದ ಅಭ್ಯರ್ಥಿಗಳಿಗೆ ಉಚಿತ ಊಟ ಮತ್ತು ವಸತಿ ಸೌಲಭ್ಯವನ್ನು ಸಂಸ್ಥೆಯ ವತಿಯಿಂದಲೇ ಕಲ್ಪಿಸಲಾಗುತ್ತದೆ.
ತರಬೇತಿಯಲ್ಲಿ ಏನೆಲ್ಲಾ ಇರಲಿದೆ?
-
ವೈಜ್ಞಾನಿಕ ಕೋಳಿ ಸಾಕಾಣಿಕೆ ವಿಧಾನಗಳು ಹಾಗೂ ಶೆಡ್ ನಿರ್ಮಾಣ ತಂತ್ರಜ್ಞಾನ.
-
ಉತ್ತಮ ಕೋಳಿ ತಳಿಗಳ ಆಯ್ಕೆ ಮತ್ತು ಆಹಾರ ನಿರ್ವಹಣೆ.
-
ರೋಗ ನಿಯಂತ್ರಣ, ಲಸಿಕೆ ಹಾಗೂ ಆರೋಗ್ಯ ರಕ್ಷಣೆ.
-
ಮೊಟ್ಟೆ ಮತ್ತು ಮಾಂಸ ಉತ್ಪಾದನೆ ಹೆಚ್ಚಿಸುವ ಕ್ರಮಗಳು.
-
ಮಾರುಕಟ್ಟೆ ವ್ಯವಸ್ಥೆ, ಬ್ಯಾಂಕಿಂಗ್ ಸೌಲಭ್ಯ, ಸಾಲ ಮಾಹಿತಿ ಹಾಗೂ ಲೆಕ್ಕಪತ್ರ ನಿರ್ವಹಣೆ.
ಅರ್ಹತೆ ಮತ್ತು ನೋಂದಣಿ ವಿವರ:
-
ವಯೋಮಿತಿ: 18 ರಿಂದ 50 ವರ್ಷದೊಳಗಿನ ಆಸಕ್ತ ಗ್ರಾಮೀಣ ಯುವಕ–ಯುವತಿಯರು, ಮಹಿಳೆಯರು ಭಾಗವಹಿಸಬಹುದು.
-
ನೋಂದಣಿ: ಆಸಕ್ತರು ತರಬೇತಿ ಆರಂಭವಾಗುವ ಮುನ್ನವೇ ತಮ್ಮ ಹೆಸರನ್ನು ನೋಂದಾಯಿಸಿಕೊಳ್ಳಬೇಕಾಗಿದೆ.
ಹೆಚ್ಚಿನ ಮಾಹಿತಿ ಹಾಗೂ ನೋಂದಣಿಗಾಗಿ ದೂರವಾಣಿ ಸಂಖ್ಯೆ: 6364561982 ಸಂಪರ್ಕಿಸಲು ಸಂಸ್ಥೆಯ ಪ್ರಕಟಣೆ ತಿಳಿಸಿದೆ.
