ಗಾಂಧಿ ಜಯಂತಿ, ವಾರಾಂತ್ಯ ಹಿನ್ನೆಲೆ: ಬೆಂಗಳೂರಿನಿಂದ 150 ಹೆಚ್ಚುವರಿ ಬಿಎಂಟಿಸಿ ಬಸ್‌ಗಳ ಕಾರ್ಯಾಚರಣೆ

ಬೆಂಗಳೂರು: ಗಾಂಧಿ ಜಯಂತಿ ಹಾಗೂ ವಾರಾಂತ್ಯದ ರಜೆಗಳ ಹಿನ್ನೆಲೆಯಲ್ಲಿ ರಾಜಧಾನಿ ಬೆಂಗಳೂರಿನಿಂದ ತಮ್ಮ ಊರುಗಳಿಗೆ ತೆರಳುವ ಸಾರ್ವಜನಿಕರ ಅನುಕೂಲಕ್ಕಾಗಿ ಬೆಂಗಳೂರು ಮಹಾನಗರ ಸಾರಿಗೆ ಸಂಸ್ಥೆ (BMTC) ಒಟ್ಟು 150 ಹೆಚ್ಚುವರಿ ಬಸ್‌ಗಳನ್ನು ಕಾರ್ಯಾಚರಣೆಗೊಳಿಸಲು ಅಧಿಕೃತ ಆದೇಶ ಹೊರಡಿಸಿದೆ.

Also read

ಮೈಸೂರು-ರಾಮೇಶ್ವರಂ ನಡುವೆ ವಿಶೇಷ ರೈಲುಗಳ ಸಂಚಾರ

​ಕೆಎಸ್‌ಆರ್‌ಟಿಸಿ, ವಾಯವ್ಯ ಹಾಗೂ ಕಲ್ಯಾಣ ಕರ್ನಾಟಕ ಸಾರಿಗೆ ನಿಗಮಗಳ ಕಾರ್ಯಾಚರಣೆ ವ್ಯಾಪ್ತಿಯ ವಿವಿಧ ಜಿಲ್ಲೆಗಳಿಗೆ ಕೆಂಪೇಗೌಡ ಬಸ್ ನಿಲ್ದಾಣ (ಮೆಜೆಸ್ಟಿಕ್) ಮತ್ತು ಮೈಸೂರು ರಸ್ತೆ ಬಸ್ ನಿಲ್ದಾಣಗಳಿಂದ ಈ ವಿಶೇಷ ಬಸ್‌ಗಳು ಸಂಚರಿಸಲಿವೆ.

​ಎಲ್ಲಿಂದ, ಎಷ್ಟೆಷ್ಟು ಬಸ್‌ಗಳ ಸಂಚಾರ?

​ಕೆಂಪೇಗೌಡ ಬಸ್ ನಿಲ್ದಾಣದಿಂದ (ಮೆಜೆಸ್ಟಿಕ್) – ಒಟ್ಟು 100 ಬಸ್‌ಗಳು

Also read

15 ದಿನದೊಳಗೆ ಗ್ರಾಮ ಪಂಚಾಯಿತಿ, ವಾರ್ಡ್ ಮಟ್ಟದಲ್ಲಿ 'ಗ್ಯಾರಂಟಿ ಸಮಿತಿ ರಚನೆ'ಗೆ ಸರ್ಕಾರ ಖಡಕ್ ಆದೇಶ

​(ರಾತ್ರಿ 8:00 ಗಂಟೆಯ ನಂತರ ಕಾರ್ಯಾಚರಣೆ)

• ​ಶಿವಮೊಗ್ಗ: 20 ಬಸ್‌ಗಳು

• ​ದಾವಣಗೆರೆ: 10 ಬಸ್‌ಗಳು

• ​ಚಿತ್ರದುರ್ಗ: 10 ಬಸ್‌ಗಳು

• ​ಹೊಸದುರ್ಗ: 10 ಬಸ್‌ಗಳು

• ​ಹೊಸಪೇಟೆ: 5 ಬಸ್‌ಗಳು

• ​ಬಳ್ಳಾರಿ: 10 ಬಸ್‌‌ಗಳು

• ​ಹಾಸನ: 15 ಬಸ್‌ಗಳು

• ​ಚಿಕ್ಕಮಗಳೂರು: 10 ಬಸ್‌ಗಳು

• ​ಧರ್ಮಸ್ಥಳ: 10 ಬಸ್‌ಗಳು

​ಮೈಸೂರು ರಸ್ತೆ ಸ್ಯಾಟಲೈಟ್ ಬಸ್ ನಿಲ್ದಾಣದಿಂದ – ಒಟ್ಟು 50 ಬಸ್‌ಗಳು

​(ಸಂಜೆ 5:00 ಗಂಟೆಯ ನಂತರ ಕಾರ್ಯಾಚರಣೆ)

• ​ಮೈಸೂರು: 25 ಬಸ್‌ಗಳು

• ​ಮಳವಳ್ಳಿ / ಕೊಳ್ಳೇಗಾಲ: 25 ಬಸ್‌ಗಳು

​ಪ್ರಯಾಣಿಕರ ದಟ್ಟಣೆ ಹಾಗೂ ಬೇಡಿಕೆಗೆ ಅನುಗುಣವಾಗಿ ಸುಗಮ ಸಂಚಾರ ವ್ಯವಸ್ಥೆ ಕಲ್ಪಿಸಲು ಬಿಎಂಟಿಸಿ ಹಾಗೂ ಕೆಎಸ್‌ಆರ್‌ಟಿಸಿ ಅಧಿಕಾರಿಗಳು ಸಮನ್ವಯದೊಂದಿಗೆ ಸ್ಥಳದಲ್ಲೇ ಹಾಜರಿದ್ದು ಕ್ರಮ ಕೈಗೊಳ್ಳುವಂತೆ ಸುತ್ತೋಲೆಯಲ್ಲಿ ಸೂಚಿಸಲಾಗಿದೆ. ರಜೆಯ ಮಜಾ ಕಳೆಯಲು ಊರುಗಳಿಗೆ ತೆರಳುವ ಪ್ರಯಾಣಿಕರಿಗೆ ಈ ಹೆಚ್ಚುವರಿ ಬಸ್‌ಗಳು ನೆರವಾಗಲಿವೆ.