ಚಾಮರಾಜನಗರ : ಚಾಮರಾಜನಗರ ಜಿಲ್ಲೆಯ ಗುಂಡ್ಲುಪೇಟೆ ತಾಲೂಕಿನ ಬಂಡಿಪುರ ಹುಲಿ ಸಂರಕ್ಷಿತ ಪ್ರದೇಶದ ಬೇರಂಬಾಡಿ ಬಿಟ್ ವ್ಯಾಪ್ತಿಯ ಮಾರಿಕಟ್ಟೆ ಕೆರೆ ಬಳಿ ಹೆಣ್ಣು ಆನೆಯೊಂದರ ಕಳೇಬರ ಪತ್ತೆಯಾಗಿದೆ. ಈ ಕುರಿತು ಬಂಡಿಪುರ ಉಪ ಅರಣ್ಯ ಸಂರಕ್ಷಣಾಧಿಕಾರಿ (DCF) ನಂದೀಶ್ ವೈದ್ಯಾಧಿಕಾರಿಗಳು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಪ್ರಾಥಮಿಕ ತನಿಖೆಯ ಪ್ರಕಾರ ಆನೆಯು ಸಹಜ ಕಾರಣದಿಂದ ಮೃತಪಟ್ಟಿ ಶಂಕೆ ವ್ಯಕ್ತವಾಗಿದ್ದು, ಹೆಚ್ಚಿನ ಪರಿಶೀಲನೆಗಾಗಿ ಮೃತ ಆನೆಯ ಮಾದರಿಗಳನ್ನು ಎಫ್‌ಎಸ್‌ಎಲ್ (FSL) ಗೆ ರವಾನಿಸಲಾಗಿದೆ.
ಆದರೆ, ಗಸ್ತಿಗೆ ತೆರಳಬೇಕಾದ ಡಿಆರ್‌ಎಫ್‌ಒ (DRFO) ಹಾಗೂ ಅರಣ್ಯ ಸಿಬ್ಬಂದಿ ಬೀಟ್ ಪರಿಶೀಲನೆ ನಡೆಸುವಲ್ಲಿ ಕರ್ತವ್ಯಲೋಪವೆಸಗಿದ್ದಾರೆ ಎಂಬ ಗಂಭೀರ ಅನುಮಾನಗಳು ವ್ಯಕ್ತವಾಗಿವೆ. ಅರಣ್ಯ ಸಿಬ್ಬಂದಿ ಪ್ರತಿದಿನ ನಿಯಮಿತವಾಗಿ ಗಸ್ತು ತಿರುಗಿದ್ದರೆ ಆನೆ ಮೃತಪಟ್ಟ ವಿಚಾರ ಮೊದಲೇ ತಿಳಿಯಬೇಕಿತ್ತು. ಸಿಬ್ಬಂದಿಯ ಈ ನಿರ್ಲಕ್ಷ್ಯ ಧೋರಣೆಯು ಅರಣ್ಯ ಮತ್ತು ವನ್ಯಜೀವಿ ಸಂರಕ್ಷಣೆಯ ಮೇರೆಗೆ ಹಲವು ಪ್ರಶ್ನೆಗಳನ್ನು ಹುಟ್ಟುಹಾಕಿದ್ದು, ಸಾರ್ವಜನಿಕ ವಲಯದಲ್ಲಿ ಚರ್ಚೆಗೆ ಗ್ರಾಸವಾಗಿದೆ.
