ಬೆಂಗಳೂರು: ಮುಂಬರುವ ಹಬ್ಬಗಳ ಹಿನ್ನೆಲೆಯಲ್ಲಿ ದಸರಾ, ದೀಪಾವಳಿ ಮತ್ತು ಛತ್ ಪೂಜೆಯ ಸಂದರ್ಭದಲ್ಲಿ ಪ್ರಯಾಣಿಕರ ದಟ್ಟಣೆಯನ್ನು ನಿಯಂತ್ರಿಸಲು, ದಕ್ಷಿಣ ಮಧ್ಯ ರೈಲ್ವೆಯು ರೈಲು ಸಂಖ್ಯೆ 07601/07602 ಜಾಲ್ನಾ–ಯಲಹಂಕ–ಜಾಲ್ನಾ ವಿಶೇಷ ರೈಲುಗಳ ಸೇವೆಯನ್ನು ಹಾಲಿ ಇರುವ ದಿನಗಳು, ವೇಳಾಪಟ್ಟಿ ಮತ್ತು ನಿಲುಗಡೆಗಳೊಂದಿಗೆ ವಿಸ್ತರಿಸಿದೆ.
ಅದರಂತೆ, ರೈಲು ಸಂಖ್ಯೆ 07601 ಜಾಲ್ನಾ–ಯಲಹಂಕ ವಿಶೇಷ ರೈಲು 04.10.2026 ರಿಂದ 25.10.2026 ರವರೆಗೆ ಪ್ರತಿ ಭಾನುವಾರ ಜಾಲ್ನಾದಿಂದ ಹೊರಡಲಿದೆ. ಅದೇ ರೀತಿ, ರೈಲು ಸಂಖ್ಯೆ 07602 ಯಲಹಂಕ–ಜಾಲ್ನಾ ವಿಶೇಷ ರೈಲು 05.10.2026 ರಿಂದ 26.10.2026 ರವರೆಗೆ ಪ್ರತಿ ಸೋಮವಾರ ಯಲಹಂಕದಿಂದ ಹೊರಡಲಿದೆ.
ಈ ವಿಶೇಷ ರೈಲು ಒಟ್ಟು 22 ಬೋಗಿಗಳನ್ನು ಹೊಂದಿರಲಿದ್ದು, ಅದರಲ್ಲಿ 2 ಎಸಿ 2-ಟೈರ್, 4 ಎಸಿ 3-ಟೈರ್, 10 ಸ್ಲೀಪರ್ ಕ್ಲಾಸ್, 4 ಸಾಮಾನ್ಯ ದ್ವಿತೀಯ ದರ್ಜೆ, 1 ಬ್ರೇಕ್, ಲಗೇಜ್ ಮತ್ತು ಜನರೇಟರ್ ಕಾರ್ ಹಾಗೂ 1 ದಿವ್ಯಾಂಗ ಸ್ನೇಹಿ ಕಂಪಾರ್ಟ್ಮೆಂಟ್ ಹೊಂದಿರುವ ದ್ವಿತೀಯ ದರ್ಜೆ ಲಗೇಜ್ ಮತ್ತು ಬ್ರೇಕ್ ವ್ಯಾನ್ ಬೋಗಿಗಳು ಇರಲಿವೆ.
ಮೆಮು ರೈಲುಗಳ ತಾತ್ಕಾಲಿಕ ಅಂತಿಮ/ಆರಂಭಿಕ ನಿಲ್ದಾಣ ಬದಲಾವಣೆ ವಿಸ್ತರಣೆ
ಕಾರ್ಯಾಚರಣೆಯ ಕಾರಣದಿಂದಾಗಿ, ರೈಲು ಸಂಖ್ಯೆ 66551/66552 ಕೆಎಸ್ಆರ್ ಬೆಂಗಳೂರು–ಅಶೋಕಪುರಂ–ಕೆಎಸ್ಆರ್ ಬೆಂಗಳೂರು ಮೆಮು ರೈಲುಗಳನ್ನು ತಾತ್ಕಾಲಿಕವಾಗಿ ಮೈಸೂರಿನಲ್ಲಿಯೇ ಕೊನೆಗೊಳಿಸುವ ಹಾಗೂ ಅಲ್ಲಿಂದಲೇ ಆರಂಭಿಸುವ ವ್ಯವಸ್ಥೆಯನ್ನು ಮಾರ್ಚ್ 27, 2027 ರವರೆಗೆ ಮುಂದುವರಿಸಲಾಗುತ್ತದೆ.
ಅದರಂತೆ, ರೈಲು ಸಂಖ್ಯೆ 66551 ಕೆಎಸ್ಆರ್ ಬೆಂಗಳೂರು–ಅಶೋಕಪುರಂ ಮೆಮು ರೈಲು ಅಶೋಕಪುರಂ ಬದಲಿಗೆ ಮೈಸೂರಿನಲ್ಲಿಯೇ ತನ್ನ ಪ್ರಯಾಣವನ್ನು ಕೊನೆಗೊಳಿಸಲಿದೆ. ಹಾಗೂ ರೈಲು ಸಂಖ್ಯೆ 66552 ಅಶೋಕಪುರಂ–ಕೆಎಸ್ಆರ್ ಬೆಂಗಳೂರು ಮೆಮು ರೈಲು ಅಶೋಕಪುರಂ ಬದಲಿಗೆ ಮೈಸೂರಿನಿಂದಲೇ ತನ್ನ ಪ್ರಯಾಣವನ್ನು ಆರಂಭಿಸಲಿದೆ.
ಈ ಮೊದಲು ಸೆಪ್ಟೆಂಬರ್ 26, 2026 ರವರೆಗೆ ಜಾರಿಯಲ್ಲಿದ್ದ ಈ ತಾತ್ಕಾಲಿಕ ವ್ಯವಸ್ಥೆಯನ್ನು, ಇದೀಗ ಮಾರ್ಚ್ 27, 2027 ರವರೆಗೆ ವಿಸ್ತರಿಸಲಾಗಿದೆ.
