ಮುಂಬೈ: ನ್ಯೂಜಿಲೆಂಡ್ ವಿರುದ್ಧ ಟೆಸ್ಟ್ ಸರಣಿಯಲ್ಲಿ ಟೀಂ ಇಂಡಿಯಾ ಹೀನಾಯ ಸೋಲು ಅನುಭವಿಸಿದೆ. ಇದಾದ ನಂತರ ವಿರಾಟ್ ಕೊಹ್ಲಿ ಬಗ್ಗೆ ಟ್ರೋಲಿಗರು ನಾನಾ ಬಗೆಯ ಟ್ರೋಲ್ ಮಾಡಿ ಸೋಷಿಯಲ್ ಮೀಡಿಯಾದಲ್ಲಿ ಚಚ್ಚುತ್ತಿದ್ದಾರೆ.
ವಿರಾಟ್ ಕೊಹ್ಲಿ ಪಾರ್ಟ್ ಟೈಂ ಭಾರತೀಯ, ಫುಲ್ ಟೈಂ ಅನಿವಾಸಿ ಭಾರತೀಯ ಎಂದು ಕೆಲವರು ತಮಾಷೆ ಮಾಡಿದ್ದಾರೆ. ಮತ್ತೆ ಕೆಲವರು ವಿಮಾನ ನಿಲ್ದಾಣದಲ್ಲಿ ಕೊಹ್ಲಿ ಬ್ಯಾಗ್ ಏರಿಸಿಕೊಂಡು ಹೋಗುವ ಫೋಟೋಗಳನ್ನು ಹಂಚಿ 'ಸರಣಿ ಸೋತಿದ್ದಕ್ಕೆ ನೀವು ಏನಾದ್ರೂ ಮಾಡ್ಕೊಳ್ಳಿ, ನಾನು ಲಂಡನ್ ಗೆ ಹೋಗ್ತೀನಿ, ಬೈ ಬೈ' ಎಂದು ಕೊಹ್ಲಿ ಹೇಳುತ್ತಿರುವಂತೆ ಮೀಮ್ಗಳನ್ನು ಹರಿಯಬಿಟ್ಟು ಟ್ರೋಲ್ ಮಾಡಿದ್ದಾರೆ.
ಟ್ರೋಲರ್ಗಳು ಹೇಳುವಂತೆಯೇ ವಿರಾಟ್ ಕೊಹ್ಲಿ ಯಾವಾಗ ಲಂಡನ್ ಮತ್ತು ಭಾರತದ ನಡುವೆ ಓಡಾಟ ಶುರು ಮಾಡಿದರೋ ಅಂದಿನಿಂದ ಬ್ಯಾಟಿಂಗ್ ಪಾತಾಳ ತಲುಪಿದೆ. ಇತ್ತೀಚೆಗೆ ಅವರ ಬ್ಯಾಟಿಂಗ್ ನಲ್ಲಿ ಮೊದಲಿನ ಝಲಕ್ ಕಾಣುತ್ತಿಲ್ಲ. ಹೀಗಾಗಿ ಅವರನ್ನು ನೆಟ್ಟಿಗರು ಟ್ರೋಲ್ ಮಾಡಿದ್ದು, ನಿವೃತ್ತಿಯಾಗಿ ಪರ್ಮನೆಂಟ್ ಆಗಿ ಲಂಡನ್ ನಲ್ಲಿಯೇ ಇದ್ದು ಬಿಡಿ ಎನ್ನುತ್ತಿದ್ದಾರೆ.
