ಜೋಹಾನ್ಸ್ಬರ್ಗ್ : ಸೌತ್ ಆಫ್ರಿಕಾ ಹಾಗೂ ಟೀಂ ಇಂಡಿಯಾ ನಡುವೆ ಜೋಹಾನ್ಸ್ಬರ್ಗ್ನ ವಾಂಡರರ್ಸ್ ಮೈದಾನದಲ್ಲಿ ನಡೆದ 4ನೇ ಪಂದ್ಯದಲ್ಲಿ ಸಂಜು ಸ್ಯಾಮ್ಸನ್ ಸೆಂಚುರಿ ಸಿಡಿಸಿದ್ದು, ಈ ಪೈಕಿ 9 ಸಿಕ್ಸ್ ಹಾಗೂ 6 ಫೋರ್ ಬಾರಿಸಿದ್ದಾರೆ. ಇದರಲ್ಲಿನ ಒಂದು ಸಿಕ್ಸರ್ ನಿಂದಾಗಿ ಮಹಿಳೆಯೊಬ್ಬರು ಕಣ್ಣೀರು ಹಾಕುವಂತಾಗಿದೆ.
ಈ ಪಂದ್ಯದಲ್ಲಿ ಸ್ಯಾಮ್ಸನ್ ಅವರು 109 ರನ್ ಬಾರಿಸಿದ್ದರು. ಟೀಮ್ ಇನಿಂಗ್ಸ್ನ 10ನೇ ಓವರ್ ಅನ್ನು ಟ್ರಿಸ್ಟನ್ ಸ್ಟಬ್ಸ್ ಎಸೆದಿದ್ದರು. ಈ ಓವರ್ನಲ್ಲಿ ಸ್ಯಾಮ್ಸನ್ ಎರಡು ಸಿಕ್ಸ್ ಸಿಡಿಸಿದ್ದರು. ಅದರಲ್ಲಿ ಒಂದು ಸಿಕ್ಸ್ ಕ್ರೀಡಾಂಗಣದ ರೇಲಿಂಗ್ಗೆ ತಗುಲಿ ಪುಟಿಯಿತು. ಪರಿಣಾಮ ಚೆಂಡು ಮಹಿಳೆಯೊಬ್ಬರ ಕೆನ್ನೆಗೆ ಬಡಿದಿದೆ.
ತಾವು ಸಿಡಿಸಿದ ಸಿಕ್ಸರ್ ಮಹಿಳೆಯೊಬ್ಬರ ಮುಖಕ್ಕೆ ತಾಗಿದೆ ಎಂದು ಗೊತ್ತಾಗುತ್ತಿದ್ದಂತೆ ಸಂಜು ಸ್ಯಾಮ್ಸನ್ ಮೈದಾನದಿಂದಲೇ ಕೈ ಎತ್ತಿ ಕ್ಷಮೆ ಯಾಚಿಸಿದ್ದಾರೆ. ಇನ್ನು ಮಹಿಳೆಯ ಕಣ್ಣೀರಿಗೆ ಕಾರಣವಾದ ಸಂಜು ಸ್ಯಾಮ್ಸನ್ ಅವರ ಈ ಸಿಕ್ಸರ್ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
