ಆನೇಕಲ್ ವಿಧಾನಸಭಾ ಕ್ಷೇತ್ರದಲ್ಲಿ ಶೇ 62.38% ಮತದಾನ

ಸುದ್ದಿಮೂಲ ವಾರ್ತೆ

ಆನೇಕಲ್, ಮೇ 11: ಕರ್ನಾಟಕ ವಿಧಾನಸಭಾ ಮತದಾನ ಕಾರ್ಯ ಯಶಸ್ವಿಯಾಗಿ ಮುಗಿದಿದ್ದು, ಆನೇಕಲ್ ವಿಧಾನಸಭಾ ಕ್ಷೇತ್ರದಲ್ಲಿ ಶೇ 62.38% ಮತದಾನ ನಡೆದಿದೆ.

ಕೆಲವು ಕಡೆಗಳಲ್ಲಿ ಮತಗಟ್ಟೆಗೆ ನಿಯೋಜಿಸಲಾಗಿದ್ದ ಸಿಬ್ಬಂದಿಯ ವಿಳಂಬದಿಂದಾಗಿ ರಾತ್ರಿ ರಾತ್ರಿ 9-10 ಗಂಟೆವರೆಗೂ ಮತದಾನ ನಡೆದಿರುವ ಬಗ್ಗೆ ವರದಿಯಾಗಿದೆ.

ಕ್ಷೇತ್ರದಲ್ಲಿ ಒಟ್ಟು 4,02, 595 ಮತದಾರರು ಇದ್ದಾರೆ. ಅದರಲ್ಲಿ 2,51,126 ಮತಗಳು ಚಲಾವಣೆ ಆಗಿವೆ. ಆ ಪೈಕಿ

ಮಹಿಳಾ ಮತದಾರರು 1,23,286 ಮತ್ತು ಪುರುಷ ಮತದಾರರು 1,27,815 ಹಾಗೂ ಇತರೆ 25 ಮತಗಳು ಚಲಾವಣೆ ಆಗಿವೆ.

ಮತದಾನ ಹೆಚ್ಚಳ ಸಂಬಂದ ಸಾಕಷ್ಟು ಪೂರ್ವ ಸಿದ್ಧತೆ, ಜಾಗೃತಿ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲಾಗಿತ್ತು. ಕಾರ್ಮಿಕರಿಗೆ ವೇತನ ಸಹಿತ ರಜೆ ಜಾರಿ ಮಾಡಲಾಗಿತ್ತು. ಆದರೂ ಸಹಿತ ಕ್ಷೇತ್ರದಲ್ಲಿ 1,51,469 ಮತದಾನ ಕರ್ತವ್ಯದಿಂದ ತಪ್ಪಿಸಿಕೊಂಡಿದ್ದಾರೆ.