ಶಿವಮೊಗ್ಗ,ನ.05 : ಇಲ್ಲಿನ ಲಯನ್ ಸಫಾರಿ ಸಮೀಪದಲ್ಲಿ ಕಾಡಾನೆಯೊಂದು ಸಾವನ್ನಪ್ಪಿದೆ ಎಂಬ ಮಾಹಿತಿ ಲಭ್ಯವಾಗಿದೆ. ಶೆಟ್ಟಿಹಳ್ಳಿ ಅಭಯಾರಣ್ಯದ ವ್ಯಾಪ್ತಿಯಲ್ಲಿ ಬರುವ ಪುರದಾಳ್, ಅಗಸವಳ್ಳಿ, ಸಿರಿಗೆರೆ , ಆಯನೂರು ಕಾಡಂಚಿನ ಗ್ರಾಮಗಳಲ್ಲಿ ಕಾಣಿಸಿಕೊಂಡು ಉಪಟಳ ನೀಡುತ್ತಿದ್ದ ಆನೆ ಇದಾಗಿದೆ ಎಂದು ಹೇಳಲಾಗುತ್ತಿದೆ.
ಅರಕೆರೆ ವೈಲ್ಡ್ ಲೈಫ್ ವ್ಯಾಪ್ತಿಯಲ್ಲಿ ಈ ಘಟನೆ ನಡೆದಿದೆ.
ಎಲಿಪೆಂಟ್ ಪ್ರೊಟೆಕ್ಟಿವ್ ಟ್ರಂಚ್ ಅಥವಾ ಆನೆ ಸಂರಕ್ಷಣಾ ಗುಂಡಿಯ ಒಳಗೆ ಕಾಡಾನೆ ಬಿದ್ದಿದೆ . ಅಲ್ಲಿ ಬಿದ್ದ ಕಾಡಾನೆಯು ಮೇಲಕ್ಕೆ ಏಳಲಾಗದೆ ಸಾವನ್ನಪ್ಪಿದೆ .
ಎರಡು ದಿನಗಳ ಹಿಂದೆಯೇ ಕಾಡಾನೆ ಸಾವನ್ನಪ್ಪಿರುವ ಸಾದ್ಯತೆ ಇದೆ. ಕಾಡಾನೆ ಹಿಂದಿನ ಹಾಗು ಮುಂದಿನ ಕಾಲುಗಳು ಟ್ವಿಸ್ಟ್ ಆದಂತಿದೆ. ಈ ಬಗ್ಗೆ ಮರಣೋತ್ತರ ಪರೀಕ್ಷೆಯ ನಂತರ ಹೆಚ್ಚಿನ ಮಾಹಿತಿ ಸಿಗಲಿದೆ ಎಂದು ವನ್ಯಜೀವಿ ಡಿಎಫ್ ಓ ಪ್ರಸನ್ನ ಪಟಗಾರ ತಿಳಿಸಿದ್ದಾರೆ.
