E-PAPER
20 Nov 2026, 12:17:44 AM|
Gold₹13023/gGold24K ₹13,023/g - 22K ₹11,927/gTap for full details
Press ID & Credential Portal
Apply / Verify  ➔
LIVE TV State NewsLocalCrimeNationalInternationalPoliticsBusinessEditorialEducationTechnologyEntertainmentSportsHealthFeatureTraveling
Press & Media Credential Portal
✕
1. Apply for Press ID Card
Register official reporter application with Email OTP.
➔
2. Download Approved Badge
Enter Card ID to receive authorization code via email.
3. Verify Reporter ID & Card (View Only)
For Public & Police: Check if card is authentic.
State News

ಬೆಂಗಳೂರು ಸ್ಥಳೀಯ ಸಂಸ್ಥೆಗಳ ಚುನಾವಣೆ; ಕರಡು ಮತದಾರರ ಪಟ್ಟಿಗೆ ಸಂಬಂಧಿಸಿದ ಗೊಂದಲವೇನು?

ಮತದಾರರ ಸೇರ್ಪಡೆ ಮತ್ತು ಕೈಬಿಡುವಿಕೆ ಸೇರಿದಂತೆ ಎಲ್ಲ ಪ್ರಕ್ರಿಯೆ ಪೂರ್ಣಗೊಂಡು ಅಂತಿಮ ಮತದಾರರ ಪಟ್ಟಿ ಸಿದ್ಧವಾದ ಬಳಿಕ ಚುನಾವಣೆ ನಡೆಸಲು ಸಾಧ್ಯವಾಗಲಿದೆ ಎಂದು ರಾಜ್ಯ ಸರ್ಕಾರ ಹೇಳಿದೆ. ಹಾಗಿದ್ದರೆ ಮತದಾರರ ಪಟ್ಟಿಯ ಕುರಿತಂತೆ ಇರುವ ಗೊಂದಲವೇನು?

ಜಿಬಿಎ ಚುನಾವಣೆ ನಡೆಸುವ ಸಂಬಂಧ ಮತದಾರರ ಪಟ್ಟಿ ಸಿದ್ಧಪಡಿಸುವ ಪ್ರಕ್ರಿಯೆ ನಡೆಯುತ್ತಿದೆ ಎಂದು ಉಪಮುಖ್ಯಮಂತ್ರಿ ಡಾ ಜಿ ಪರಮೇಶ್ವರ್ ತಿಳಿಸಿದ್ದಾರೆ. ಜಿಬಿಎ ಚುನಾವಣೆಗಳನ್ನು ಪದೇಪದೆ ಮುಂದೂಡುತ್ತಿರುವ ಕುರಿತು ಸುದ್ದಿಗಾರರ ಜೊತೆಗೆ ಮಾತನಾಡಿದ ಅವರು, ಚುನಾವಣೆ ನಡೆಸುವ ಸಂಬಂಧ ಮತದಾರರ ಪಟ್ಟಿ ಸಿದ್ಧಪಡಿಸುವ ಪ್ರಕ್ರಿಯೆ ಪ್ರಸ್ತುತ ನಡೆಯುತ್ತಿದೆ. ಕರಡು ಮತದಾರರ ಪಟ್ಟಿಯನ್ನು ಪ್ರಕಟಿಸಲಾಗಿದ್ದು, ಸಾರ್ವಜನಿಕರಿಂದ ಆಕ್ಷೇಪಣೆಗಳನ್ನು ಆಹ್ವಾನಿಸಲಾಗಿದೆ ಎಂದು ಹೇಳಿದ್ದಾರೆ. ಮತದಾರರ ಸೇರ್ಪಡೆ ಮತ್ತು ಕೈಬಿಡುವಿಕೆ ಸೇರಿದಂತೆ ಎಲ್ಲ ಪ್ರಕ್ರಿಯೆ ಪೂರ್ಣಗೊಂಡು ಅಂತಿಮ ಮತದಾರರ ಪಟ್ಟಿ ಸಿದ್ಧವಾದ ಬಳಿಕೆ ಚುನಾವಣೆ ನಡೆಸಲು ಸಾಧ್ಯವಾಗಲಿದೆ ಎಂದು ಅವರು ಹೇಳಿದ್ದಾರೆ.

ಎಸ್ಐರ್ ಕರಡುಪಟ್ಟಿಗೆ ಸಂಬಂಧಿಸಿದ ಗೊಂದಲವೇನು?

ಭಾರತದ ಚುನಾವಣಾ ವ್ಯವಸ್ಥೆಯಲ್ಲಿ ಭಾರತೀಯ ಚುನಾವಣಾ ಆಯೋಗ ಮತ್ತು ಮುಖ್ಯ ಚುನಾವಣಾ ಆಯುಕ್ತರ ಕಚೇರಿ ಶಾಸನ ಸಭೆ ಮತ್ತು ಲೋಕಸಭೆ ಚುನಾವಣೆಗೆ ಅಗತ್ಯವಿರುವ ಮತದಾರರ ಪಟ್ಟಿಯನ್ನು ಸಿದ್ಧಪಡಿಸುತ್ತಾರೆ. ಕರ್ನಾಟಕ ರಾಜ್ಯದಲ್ಲಿ ರಾಜ್ಯ ಚುನಾವಣಾ ಆಯೋಗವಿರುತ್ತದೆ. ರಾಜ್ಯ ಚುನಾವಣಾ ಆಯೋಗವು ಸ್ಥಳೀಯ ಚುನಾವಣೆಗಳಿಗೆ ಅಗತ್ಯವಿರುವ ಮತದಾರರ ಪಟ್ಟಿಯನ್ನು ಸಿದ್ಧಪಡಿಸುತ್ತದೆ. ಈಗ ಚುನಾವಣಾ ಆಯೋಗವು ಎಸ್ಐಆರ್ ಮಾಡುತ್ತಿದೆ. ಎಸ್ಐಆರ್ ಗೆ ಸಂಬಂಧಿಸಿ ಅಂತಿಮ ಕರಡು ಪಟ್ಟಿ ಬಿಡುಗಡೆಯಾಗಿದೆ. ಅದರಲ್ಲಿ ಬಹಳಷ್ಟು ಸಮಸ್ಯೆಗಳಿವೆ, ಅದನ್ನು ಒಪ್ಪಬಾರದು ಎಂದು ಕಾಂಗ್ರೆಸ್ ಪಕ್ಷವೂ ಫ್ರೀಡಂ ಪಾರ್ಕ್ ನಲ್ಲಿ ನಡೆದ ಸಮಾವೇಶದಲ್ಲಿ ವಿರೋಧಿಸಿದೆ. ಆದರೆ ಇದೀಗ ಅದೇ ಪಟ್ಟಿಯನ್ನು ಬಳಸುತ್ತಿದೆಯೇ ಎನ್ನುವ ಗೊಂದಲದಲ್ಲಿ ಹಲವು ಸಂಘಟನೆಗಳಿಂದ ಆಕ್ಷೇಪ ವ್ಯಕ್ತವಾಗಿದೆ.

“ಇದೀಗ ಕಾಂಗ್ರೆಸ್ ಸಚಿವ ಸಂಪುಟದವರೇ ಕೆಲವರು ಕರ್ನಾಟಕದಲ್ಲಿ ಎಸ್ಐಆರ್ ಚೆನ್ನಾಗಿ ಆಗಿದೆ ಎಂದು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ಆದ್ದರಿಂದ ಎಸ್ಐಆರ್ ಪಟ್ಟಿಯನ್ನೇ ಬಳಸಬಹುದು ಎಂದು ಹೇಳಿದ್ದಾರೆ. ಬೆಳಿಗ್ಗೆ ಫ್ರೀಡಂ ಪಾರ್ಕ್ಗೆ ಬಂದು ಎಸ್ಐಆರ್ ಬಳಸಲ್ಲ ಎಂದು ಹೇಳಿದವರು ಸಂಜೆ ಬಂದು ಬಳಸಬಹುದು ಎಂದು ತೀರ್ಮಾನಿಸಿದ್ದಾರೆ. ಕೊನೆಗೆ ನಿರ್ಧಾರ ಕೈಗೊಳ್ಳದೆ ಹೈಕಮಾಂಡ್ಗೆ ಪಟ್ಟಿಯನ್ನು ಕಳುಹಿಸಲಾಗಿದೆ” ಎಂದು ಹಿರಿಯ ಚಿಂತಕರು, ಬರಹಗಾರರು, ಸಾಮಾಜಿಕ ಹೋರಾಟಗಾರರು ಮತ್ತು ರಾಜಕೀಯ ವಿಶ್ಲೇಷಕರಾದ ಶಿವಸುಂದರ್ ಹೇಳಿದ್ದಾರೆ.

ಪ್ರಸ್ತುತ ಕರಡುಪಟ್ಟಿ ಪ್ರಕಟಿಸುವ ಅಗತ್ಯವೇನು ಬಂತು?

ಡಿಸೆಂಬರ್ ಒಳಗೆ ಬೆಂಗಳೂರು ಪ್ರದೇಶದಲ್ಲಿ ಚುನಾವಣೆ ನಡೆಯಬೇಕು ಎಂದು ಸುಪ್ರೀಂಕೋರ್ಟ್ ಹೇಳಿದೆ. ರಾಜ್ಯ ಚುನಾವಣಾ ಆಯೋಗವು ಅದಕ್ಕಾಗಿ ಮತಪಟ್ಟಿಯನ್ನು ಸಿದ್ಧಪಡಿಸಿದೆ. ಹೀಗಾಗಿ ಕರಡು ಮತದಾರರ ಪಟ್ಟಿಯನ್ನು ಸಿದ್ಧಪಡಿಸುವ ತುರ್ತು ಎದುರಾಗಿದೆ.

“ರಾಜ್ಯ ಸರ್ಕಾರವು ಮತದಾರರ ಪಟ್ಟಿಯನ್ನು ಯಾವುದನ್ನು ನೋಡಿ ಅಳವಡಿಸಿಕೊಂಡಿದ್ದಾರೆ? ಮೊದಲನೆಯದಾಗಿ ಸ್ವಂತ ಪಟ್ಟಿಯನ್ನು ರಚಿಸಿದ್ದಾರೆಯೇ ಅಥವಾ ಈಗಾಗಲೇ ಮಾಡಿರುವ ಪಟ್ಟಿಯನ್ನು ಮಾಡಿಕೊಂಡು ಸೇರ್ಪಡೆ, ತೆಗೆದು ಹಾಕುವಿಕಗೆ ಮಾಡಲಾಗಿದೆಯೆ ಅಥವಾ ಎಸ್ಐಆರ್ ಪಟ್ಟಿಯನ್ನೇ ಬಳಸಬೇಕು ಎಂದು ತೀರ್ಮಾನಿಸಲಾಗಿದೆಯೆ? ಇದೀಗ ರಾಜ್ಯ ಸರ್ಕಾರ ಎಸ್ಐಆರ್ ಪಟ್ಟಿಯನ್ನು ಬಳಸುವುದಿಲ್ಲ ಎಂದು ಹೇಳಿದೆ. ಆದೇಶ ಕೊಡಬಹುದು, ಆದರೆ ಆದೇಶ ಕೊಟ್ಟಿಲ್ಲ. ರಾಜ್ಯ ಚುನಾವಣಾ ಆಯೋಗವು ಸುಪ್ರೀಂಕೋರ್ಟ್ಗೆ ಹೋಗಿ ನಮಗೆ ಅಂತಿಮ ಪಟ್ಟಿಯನ್ನು ಇನ್ನೂ ವರ್ಗಾವಣೆ ಮಾಡಿಲ್ಲ ಎಂದು ಹೇಳಿದೆ. ಅವರು ವರ್ಗಾವಣೆ ಮಾಡುವುದು ಎಂದರೆ ಅದನ್ನು ವಾರ್ಡುವಾರು, ಪ್ರದೇಶವಾರು ಪಟ್ಟಿ ಸಿದ್ಧಪಡಿಸಿ ಕಳುಹಿಸಬೇಕು. ಅದನ್ನು ಮಾಡಲು 2-3 ತಿಂಗಳು ಬೇಕಾಗುತ್ತದೆ. ಬೇಗ ಕಳುಹಿಸಿದರೆ ಎಸ್ಐಆರ್ ಪಟ್ಟಿಯಲ್ಲಿ ಮಾಡುತ್ತೇವೆ. ಬೇಗ ಕಳುಹಿಸದೆ ಇದ್ದರೆ ನಾವು ಎಸ್ಐಆರ್ ಪೂರ್ವ ಪಟ್ಟಿಯಲ್ಲಿ ಮಾಡುತ್ತೇವೆ ಎಂದು ಹೇಳಿದ್ದಾರೆ. ಹೀಗಾಗಿ ಚುನಾವಣೆ ಮುಂದೂಡಲು ಅವಕಾಶ ಕೊಡಿ ಅಥವಾ ಎಸ್ಐಆರ್ ಪೂರ್ವ ಪಟ್ಟಿಯನ್ನು ಬಳಸಲು ಅವಕಾಶ ಕೊಡಿ ಅಥವಾ ನಮ್ಮದೇ ಪಟ್ಟಿ ಸಿದ್ಧಪಡಿಸಿಕೊಳ್ಳಲು ಅವಕಾಶ ಕೊಡಿ ಎಂದು ಹೇಳಿದೆ. ಸುಪ್ರೀಂಕೋರ್ಟ್ ಇನ್ನೂ ಅದರ ವಿಚಾರಣೆಯನ್ನು ನಡೆಸಿಲ್ಲ. ಆದರೆ ಇದೀಗ ಉಪಮುಖ್ಯಮಂತ್ರಿ ಜಿ ಪರಮೇಶ್ವರ್ ಅವರು ಜಿಬಿಎ ಚುನಾವಣೆಯ ತಯಾರಿಯ ಭಾಗವಾಗಿ ಕರಡು ಪಟ್ಟಿಯನ್ನು ಪ್ರಕಟಿಸಲಾಗಿದೆ ಎಂದು ಹೇಳಿಕೆ ಕೊಟ್ಟಿದ್ದಾರೆ” ಎಂದು ಗೊಂದಲದ ಬಗ್ಗೆ ಶಿವಸುಂದರ್ ವಿವರಿಸಿದ್ದಾರೆ.

ರಾಜ್ಯ ತಯಾರಿಸಿದ ಪಟ್ಟಿ ರೆಫರೆನ್ಸ್ ಪಟ್ಟಿಯಾಗಬೇಕು:

ಎಸ್ಐಆರ್ ಪ್ರಕ್ರಿಯೆಯ ಬಗ್ಗೆ ಹೋರಾಟ ನಡೆಸುತ್ತಾ ಬಂದಿರುವ ಜಾಗೃತ ಕರ್ನಾಟಕ ಸಂಚಾಲಕರಾದ ವಾಸು ಎಚ್ ವಿ ಅವರು ಹೇಳಿರುವ ಪ್ರಕಾರ, “ಸ್ಥಳೀಯ ಸಂಸ್ಥೆಗಳ ಚುನಾವಣೆಯಲ್ಲಿ ಎಸ್ಐಆರ್ ಅಂತಿಮ ಪಟ್ಟಿಯನ್ನು ಕರಡು ಎಂದು ಪರಿಗಣಿಸಿ ರಾಜ್ಯ ಚುನಾವಣಾ ಆಯೋಗವು ಬಿಟ್ಟು ಹೋದವರನ್ನು ಸೇರಿಸಲಿ. ಬೂತ್ವಾರು ಸೋಷಿಯಲ್ ಆಡಿಟ್ ಮೂಲಕ ಪಟ್ಟಿ ಅಂತಿಮವಾಗಬೇಕು. ಬಿಜೆಪಿಯುವರು ನಕಲಿ ಮತದಾರರನ್ನು ಸೇರಿಸದಂತೆ ಎಚ್ಚರ ವಹಿಸಬೇಕು. ಕರ್ನಾಟಕದಲ್ಲಿ ಒಬ್ಬ ಮತದಾರರೂ ಮತದಾನದ ಹಕ್ಕಿನಿಂದ ವಂಚಿತರಾಗಬಾರದು ಎಂಬುದು ನಮ್ಮೆಲ್ಲರ ಆಶಯವಾಗಿದೆ” ಎಂದು ತಮ್ಮ ನಿಲುವು ತಿಳಿಸಿದ್ದಾರೆ.

ಅಲ್ಲದೆ, “ಈ ಹಿಂದಿನಿಂದಲೂ ಪಟ್ಟಿಯಲ್ಲಿ ಸೇರದೇ ಇದ್ದವರನ್ನು ಸೇರಿಸಬೇಕು. 18 ವರ್ಷ ತುಂಬಿದ ಎಲ್ಲಾ ಅರ್ಹ ಮತದಾರರನ್ನು ಪಟ್ಟಿಗೆ ಸೇರಿಸಬೇಕು. ಎಸ್ಐಆರ್ ಸಂದರ್ಭದಲ್ಲಿ ಅನ್ಯಾಯಯುತವಾಗಿ ಹೆಸರು ಡಿಲೀಟ್ ಆದವರನ್ನೂ ಪಟ್ಟಿಗೆ ಸೇರಿಸಬೇಕು. ಇದಕ್ಕಾಗಿ ಎಸ್ಐಆರ್ ಅಂತಿಮ ಮತದಾರರ ಪಟ್ಟಿಯನ್ನು ಕರಡು ಪಟ್ಟಿ ಎಂದು ಪರಿಗಣಿಸಿ ಅದನ್ನು ಮೊದಲು ಪ್ರಕಟಿಸಬೇಕು. ರಾಜ್ಯಾದ್ಯಂತ ಒಂದು ರಜಾ ದಿನ ಮೊದಲೇ ನಿಗದಿ ಮಾಡಿ ಅಂದೇ ಬೂತ್ ಮಟ್ಟದಲ್ಲಿ ಒಂದು ಜಾಗದಲ್ಲಿ ಸಾರ್ವಜನಿಕವಾಗಿ ಆ ಪಟ್ಟಿಯನ್ನು ಓದಿ ಯಾರ ಹೆಸರಾದರೂ ಬಿಟ್ಟು ಹೋಗಿದೆಯೇ ಎಂದು ಪರಿಶೀಲಿಸಿ ಅದೇ ಜಾಗದಲ್ಲಿ ಅಗತ್ಯವಿರುವ ಕ್ರಮ ಕೈಗೊಂಡು ಅವರಿಂದ ಅರ್ಜಿ ಪಡೆದು ಅಲ್ಲೇ ಸೇರಿಸದಲು ಕ್ರಮ ವಹಿಸಬೇಕು. ರಾಜ್ಯದ ಅಥವಾ ದೇಶ ಉಳಿದ ಯಾವುದೇ ಮತಗಟ್ಟೆಯಲ್ಲಿ ಅವರ ಹೆಸರು ಇದ್ದರೆ ಅದನ್ನು ಡಿಲೀಟ್ ಮಾಡಬೇಕು. ಈ ಕ್ರಮವನ್ನು ಕರಡು ಮತದಾರರ ಪಟ್ಟಿ ಪ್ರಕಟಿಸಿದ ಮೇಲೆ ಒಂದು ವಾರ ಸಮಯ ಕೊಡುವ ಅಗತ್ಯವಿದೆ. ರಾಜ್ಯ ಚುನಾವಣಾ ಆಯೋಗ ತಯಾರಿಸಿದ ಈ ಮತದಾರರ ಪಟ್ಟಿ ಒಂದು ರೆಫರೆನ್ಸ್ ಮತದಾರರ ಪಟ್ಟಿಯಾಗಿ ಉಳಿಯುತ್ತದೆ” ಎಂದು ಜಾಗೃತ ಕರ್ನಾಟಕ ಅಭಿಪ್ರಾಯಪಟ್ಟಿದೆ.

Author
KhushiHost News CMS Pro ®
is Digital Online Newspaper, Publishing Platform From INDIA. Karnataka, National & International, Updates including Politics, Business, Crime, Education, Sports, Science, Current Affairs. Latest Breaking News From India & Around the World.
Comments (0)
Comments appear after approval.
WhatsApp

Don't Miss Out! Join Our WhatsApp Group!

Get latest news updates delivered straight to your WhatsApp.

LATEST
ವಾಹನ ದಟ್ಟಣೆ ನಿಯಂತ್ರಣಕ್ಕೆ ʼನೂತನ ರಸ್ತೆ ಗ್ರಿಡ್ ವ್ಯವಸ್ಥೆʼ : ಸಿಎಂ ಡಿ.ಕೆ.ಶಿವಕುಮಾರ್ʼಬಸವ ಮಂಟಪ’ ಕೃತಿ ವಿವಾದ; ಲೇಖಕ ರವಿ ಹಂಜ್, ವಿಶ್ವೇಶ್ವರ ಭಟ್ ವಿರುದ್ಧ ಎಫ್‍ಐಆರ್ ದಾಖಲುಧರ್ಮಸ್ಥಳ ಪ್ರಕರಣ; ಎಸ್‌ಐಟಿ ತನಿಖೆ ಪ್ರಶ್ನಿಸಿ ಗಿರೀಶ್ ಮಟ್ಟಣ್ಣವರ್ ಸಲ್ಲಿಸಿದ್ದ ಅರ್ಜಿ ವಜಾ2,321 ಕೋಟಿ ರೂ.ವೆಚ್ಚದಲ್ಲಿ ಬೆಂಗಳೂರು ರಸ್ತೆಗಳ ವೈಟ್ ಟ್ಯಾಪಿಂಗ್ : ಸಂಪುಟ ತೀರ್ಮಾನ‘ಬಸವ ಮಂಟಪ’ ಕೃತಿ ಮುಟ್ಟುಗೋಲು; ರವಿ ಹಂಜ್, ವಿಶ್ವೇಶ್ವರ ಭಟ್ ವಿರುದ್ಧ ಕಾನೂನು ಕ್ರಮ : ಸಂಪುಟ ಸಭೆ ನಿರ್ಣಯಸಿಸಿಬಿಗೆ ರೌಡಿ ನಿಗ್ರಹ ದಳ ಎಂದು ಮರುನಾಮಕರಣಎಸಿ ರೂಂನಲ್ಲಿದ್ದ ಹಲವು ಕಾಂಗ್ರೆಸ್ ನಾಯಕರಿಗೆ ಬಿಸಿ ಮುಟ್ಟಿಸಿ ರಾಹುಲ್ ಗಾಂಧಿ ಬೀದಿಗೆ ತಂದಿದ್ದಾರೆ : ವಿನಯ್ ಕುಮಾರ್ ಸೊರಕೆತಾ.ಪಂ, ಜಿ.ಪಂ ಕ್ಷೇತ್ರ ಮೀಸಲು ಅಂತಿಮ ಅಧಿಸೂಚನೆ ಶುಕ್ರವಾರ ಪ್ರಕಟ : ಸಚಿವ ಈಶ್ವರ್ ಖಂಡ್ರೆʼSIRʼ ಅಂತಿಮ ಪಟ್ಟಿ ತಿರಸ್ಕರಿಸಿ ಸಾಮಾಜಿಕ ಪರಿಶೋಧನೆ ನಡೆಸಿ : ಎಸ್‍ಐಆರ್ ವಿರೋಧಿ ಜಾತ್ಯತೀತ ಪಕ್ಷಗಳು-ಜನಪರ ಸಂಘಟನೆಗಳ ಒಕ್ಕೂಟಬಸವ ಮಂಟಪ ಕೃತಿ ಮುಟ್ಟುಗೋಲಿಗೆ ಸಂಪುಟ ಸಮ್ಮತಿ : ಸಚಿವ ಈಶ್ವರ್‌ ಖಂಡ್ರೆ