ಟಿಳಕವಾಡಿ ಪೊಲೀಸರಿಂದ ಬೈಕ್ ಕಳ್ಳನ ಬಂಧನ: 2 ಲಕ್ಷ ಮೌಲ್ಯದ 6 ಬೈಕ್ ವಶ

 

ಬೆಳಗಾವಿ :
ಟಿಳಕವಾಡಿ ಪೊಲೀಸ್ ಠಾಣೆ ಹಾಗೂ ನಗರ ವ್ಯಾಪ್ತಿಯಲ್ಲಿ ಮೋಟರ್ ವಾಹನ ಕಳ್ಳತನ ಮಾಡಿಕೊಂಡು ಹೋದ ಬಗ್ಗೆ ಪ್ರಕರಣ ದಾಖಲಿಸಿರುವ ಖಚಿತ ಮಾಹಿತಿಯನ್ನಧರಿಸಿ ಅರುಣಕುಮಾರ ಕೋಳೂರ, ಎಸಿಪಿ ಖಡೇಬಜಾರ ಉಪವಿಭಾಗರವರ ಮಾರ್ಗದರ್ಶನದಲ್ಲಿ ಟಿಳಕವಾಡಿ ಪೊಲೀಸ್ ಠಾಣೆಯ ದಯಾನಂದ ಶೇಗುಣಸಿ ಹಾಗೂ ಸಿಬ್ಬಂದಿಯವರ ತಂಡ ಕೊನೆಗೂ ಬೈಕ್ ಕಳ್ಳನನ್ನು ಬಂಧಿಸಿದೆ.

ಅಡಿವೇಶ ಲಕ್ಷ್ಮಣ ನಿಪ್ಪಾಣಿ (20) ಸಾ|| ಲಗಮೇಶ್ವರ, ತಾ| ಗೋಕಾಕ, ಹಾಲಿ ಭಾಗ್ಯ ನಗರ ಬೆಳಗಾವಿ ಈತನನ್ನು ಪತ್ತೆ ಮಾಡಿ ಆತ ಕಳ್ಳತನ ಮಾಡಿದ 06 ಬೈಕ್‌ಗಳು (05-ಸ್ಪ್ಲೆಂಡರ್ ಪ್ಲಸ್, 01-ಯಮಹಾ) ಒಟ್ಟು 2 ಲಕ್ಷ ಮೌಲ್ಯದ ವಾಹನವನ್ನು ಜಪ್ತಿ ಮಾಡಿ, ಆರೋಪಿಯ ವಿರುದ್ಧ ಕಾನೂನು ಕ್ರಮ ಜರುಗಿಸಲಾಗುತ್ತಿದೆ.

ಜಪ್ತ ಪಡಿಸಿಕೊಂಡ ಈ 6 ಮೋಟಾರ್ ಸೈಕಲ್‌ಗಳು ಉದ್ಯಮಬಾಗ ಠಾಣೆ-2, ಬೆಳಗಾವಿ ಗ್ರಾಮೀಣ ಠಾಣೆ-2 ಮತ್ತು ಟಿಳಕವಾಡಿ ಠಾಣೆಯ-2 ಪ್ರಕರಣಗಳಲ್ಲಿ ಕಳುವಾದ ಮೋಟಾರ್ ಸೈಕಲ್‌ಗಳ ಬಗ್ಗೆ ತನಿಖೆಯಿಂದ ತಿಳಿದು ಬಂದಿದೆ.

ಈ ಮೋಟರ ವಾಹನ ಕಳ್ಳತನ ಪ್ರಕರಣ ಪತ್ತೆ ಮಾಡಲು ಶ್ರಮಿಸಿದ ಪಿಐ ದಯಾನಂದ ಶೇಗುಣಸಿ, ಸಂತೋಷ ದಳವಾಯಿ ಪಿ.ಎಸ್.ಐ(ಕಾ&ಸು) ಹಾಗೂ ಸಿಬ್ಬಂದಿಯವರಾದ ಮಹೇಶ ಪಾಟೀಲ, ಲಾಡಜಿಸಾಬ ಮುಲ್ತಾನಿ, ನವೀನಕುಮಾರ ಗುಜ್ಜನ್ನವರ ಇವರ ತಂಡವನ್ನು ಪೊಲೀಸ್ ಆಯುಕ್ತರು, ಉಪ ಪೊಲೀಸ್ ಆಯುಕ್ತರು. (ಕಾ&ಸು ಉಪ ಪೊಲೀಸ್ ಆಯುಕ್ತರು, (ಅ&ಸಂ), ಬೆಳಗಾವಿ ನಗರ ಅವರು ಶ್ಲಾಘಿಸಿರುತ್ತಾರೆ.