ಜಂತರ್ ಮಂತರ್‌ನಲ್ಲಿ ನಿಗದಿಯಾಗಿರುವ ಪ್ರತಿಭಟನೆಗೂ ಮುನ್ನ ಗುರುಗ್ರಾಮ್‌ನಲ್ಲಿ ಯೂಟ್ಯೂಬರ್ ಧ್ರುವ ರಾಠಿ ಅವರನ್ನು ವಶಕ್ಕೆ ಪಡೆದಿರುವುದನ್ನು ಕಾಕ್ರೋಚ್ ಜನತಾ ಪಾರ್ಟಿ (CJP) ಶನಿವಾರ ತೀವ್ರವಾಗಿ ಖಂಡಿಸಿದ್ದು, ಕೇಂದ್ರ ಸರ್ಕಾರವು "ಭಯಭೀತಗೊಂಡಿದೆ" ಎಂದು ಆರೋಪಿಸಿದೆ.
ಸರ್ಕಾರದ ತಪ್ಪುಗಳನ್ನು ಪ್ರಶ್ನಿಸುವ ಮತ್ತು ಮೌನವಾಗಿರಲು ಒಪ್ಪದ ಯುವಜನತೆಯನ್ನು ಕೇಂದ್ರ ಸರ್ಕಾರ ಕಂಡು ಹೆದರಿದೆ ಎಂದು ಸಿಜೆಪಿ ಎಕ್ಸ್ ಜಾಲತಾಣದಲ್ಲಿ ಪೋಸ್ಟ್ ಮಾಡಿದೆ. ಸಾಮಾಜಿಕ ಕಾರ್ಯಕರ್ತರು ಮತ್ತು ಪ್ರಭಾವಿ ವ್ಯಕ್ತಿ ಧ್ರುವ ರಾಠಿ ಅವರನ್ನು ದೆಹಲಿ ಪೊಲೀಸರು ವಶಕ್ಕೆ ಪಡೆದಿರುವ ಧೋರಣೆಯನ್ನು ಪಕ್ಷವು ತೀವ್ರವಾಗಿ ಖಂಡಿಸಿದೆ. ಮತದಾರರ ಪಟ್ಟಿಯ ಅನಿಯಮಿತತೆಗಳ ವಿರುದ್ಧ ಧ್ವನಿ ಎತ್ತುವ ಪ್ರಜಾಸತ್ತಾತ್ಮಕ ಅಸಮ್ಮತಿಯನ್ನು ಹತ್ತಿಕ್ಕಲು ಸರ್ಕಾರವು ಇಂತಹ ಆಕ್ರಮಣಕಾರಿ ಹಾಗೂ ಬಲಪ್ರಯೋಗದ ಕ್ರಮಗಳನ್ನು ನಡೆಸುತ್ತಿದೆ ಎಂದು ಸಿಜೆಪಿ ಆರೋಪಿಸಿದೆ. ಧ್ರುವ ರಾಠಿ ಹಾಗೂ ಇತರೆ ವಿದ್ಯಾರ್ಥಿ ಕಾರ್ಯಕರ್ತರನ್ನು ತಕ್ಷಣವೇ ಮತ್ತು ಬೇಷರತ್ತಾಗಿ ಬಿಡುಗಡೆ ಮಾಡಬೇಕು ಎಂದು ಪಕ್ಷವು ಆಗ್ರಹಿಸಿದೆ.
