ಬಿಹಾರ : ಉತ್ಕರ್ಷ್ ಗೌರವ್ 2022 ರ UPSC CSE ಪರೀಕ್ಷೆಯಲ್ಲಿ 709 ನೇ ಶ್ರೇಯಾಂಕವನ್ನು ಪಡೆಯುವ ಮೂಲಕ ಸರ್ಕಾರಿ ಅಧಿಕಾರಿಯಾದರು. ಈ ಸ್ಪೂರ್ತಿದಾಯ ಕಥೆ ಇಲ್ಲಿದೆ.
ಬಿಹಾರದ ನಳಂದದ ಹಳ್ಳಿಯ ಉತ್ಕರ್ಷ್ ಗೌರವ್ ಅವರ ಪ್ರಯಾಣ ನಿಜಕ್ಕೂ ಸ್ಪೂರ್ತಿದಾಯಕವಾಗಿದೆ. ರೈತನ ಮಗನಾಗಿ ಗೌರವ್ ಮೊದಲು ಬಿ.ಟೆಕ್ ಪದವಿ ಪಡೆಯಲು ಬಿಹಾರದಿಂದ ದೂರದಲ್ಲಿರುವ ಬೆಂಗಳೂರಿಗೆ ಪ್ರಯಾಣ ಬೆಳೆಸಿದರು. ನಂತರ ಉದ್ಯೋಗ ಪಡೆಯುವ ಬದಲು, ಅವರು ಯುಪಿಎಸ್ಸಿ ಪರೀಕ್ಷೆಗೆ ತಯಾರಿ ನಡೆಸಲು ನಿರ್ಧರಿಸಿದರು. ನಗರದಲ್ಲಿ ವಾಸಿಸುವ ಬದಲು ಹಳ್ಳಿಯಲ್ಲಿ ವಾಸಿಸಲು ನಿರ್ಧರಿಸಿದರು.
ಉತ್ಕರ್ಷ್ ಗೌರವ್ ಬಿಹಾರದ ನಳಂದ (ಪಾಟ್ನಾ)ದ ಭಗವಾನ್ ಬಿಘಾದ ಅಮರ್ಗಾಂವ್ನಿಂದ ಬಂದವರು. ಅವರ ತಂದೆ ರೈತ, ಮತ್ತು ಅವರ ತಾಯಿ ಗೃಹಿಣಿ. ಅವರಿಗೆ ಒಬ್ಬ ಸಹೋದರ ಮತ್ತು ಸಹೋದರಿ ಕೂಡ ಇದ್ದಾರೆ. ಬಿಹಾರದಲ್ಲಿ 12 ನೇ ತರಗತಿ ಶಿಕ್ಷಣವನ್ನು ಪೂರ್ಣಗೊಳಿಸಿದ ನಂತರ, ಅವರು ಬೆಂಗಳೂರಿಗೆ ತೆರಳಿದರು ಮತ್ತು PESIT ನಿಂದ ಮೆಕ್ಯಾನಿಕಲ್ ಎಂಜಿನಿಯರಿಂಗ್ನಲ್ಲಿ ಬಿ.ಟೆಕ್ ಪಡೆದರು. ನಂತರ ಅವರು UPSC CSE ಪರೀಕ್ಷೆಗೆ ತಯಾರಿ ನಡೆಸಲು ನಿರ್ಧರಿಸಿದರು.
2018 ರಲ್ಲಿ ಬಿ.ಟೆಕ್ ಮುಗಿಸಿದ ನಂತರ, ಉತ್ಕರ್ಷ್ ಗೌರವ್ ಉದ್ಯೋಗವನ್ನು ಹುಡುಕಲಿಲ್ಲ, ಬದಲಿಗೆ ಸರ್ಕಾರಿ ಕೆಲಸಕ್ಕೆ ನೇರವಾಗಿ ತಯಾರಿ ಆರಂಭಿಸಿದರು. ಅವರು ಯುಪಿಎಸ್ಸಿ ತರಬೇತಿಗಾಗಿ ದೆಹಲಿಗೆ ತೆರಳಿದರು ಆದರೆ ಸತತ ಮೂರು ಬಾರಿ ಪರೀಕ್ಷೆಯಲ್ಲಿ ಅನುತ್ತೀರ್ಣರಾದರು. ಕೊರೊನಾವೈರಸ್ ಸಾಂಕ್ರಾಮಿಕವು ರಾಷ್ಟ್ರವ್ಯಾಪಿ ಲಾಕ್ಡೌನ್ಗೆ ಕಾರಣವಾದಾಗ, ಅವರು ತಮ್ಮ ಹಳ್ಳಿಗೆ ಮರಳಿದರು. ಬಳಿಕ ಉತ್ಕರ್ಷ್ ಗೌರವ್ 2022 ರ UPSC CSE ಪರೀಕ್ಷೆಯಲ್ಲಿ 709 ನೇ ರ್ಯಾಂಕ್ ಗಳಿಸುವ ಮೂಲಕ ಸರ್ಕಾರಿ ಅಧಿಕಾರಿಯಾದರು.
