ದೆಹಲಿ : ಯುಪಿಎಸ್ಸಿ ಪರೀಕ್ಷೆಯನ್ನು ಭೇದಿಸುವುದು ಸುಲಭದ ಕೆಲಸವಲ್ಲ, ಪ್ರತಿ ವರ್ಷ ಅನೇಕ ವಿದ್ಯಾರ್ಥಿಗಳು ಅದರಲ್ಲಿ ಯಶಸ್ವಿಯಾಗಲು ಕಠಿಣ ಪರಿಶ್ರಮ ವಹಿಸಿ ಪರೀಕ್ಷೆಗೆ ಹಾಜರಾಗುತ್ತಾರೆ. ಹೀಗೆ 22 ನೇ ವಯಸ್ಸಿನಲ್ಲಿ ಪರೀಕ್ಷೆಯಲ್ಲಿ ಉತ್ತೀರ್ಣರಾದ ಐಎಎಸ್ ಅಧಿಕಾರಿ ಚಂದ್ರಜ್ಯೋತಿ ಸಿಂಗ್ ಅವರ ಸ್ಫೂರ್ತಿದಾಯಕ ಕತೆ ಇದು.
ಚಂದ್ರಜ್ಯೋತಿ ಸಿಂಗ್ ಅವರು ದೇಶದ ಅತ್ಯಂತ ಕಷ್ಟಕರ ಪರೀಕ್ಷೆಗಳಲ್ಲಿ ಒಂದೆಂದು ಪರಿಗಣಿಸಲ್ಪಟ್ಟ ಯುಪಿಎಸ್ಸಿಯನ್ನು ತಮ್ಮ ಮೊದಲ ಪ್ರಯತ್ನದಲ್ಲಿಯೇ ಉತ್ತೀರ್ಣರಾದ ಕೆಲವೇ ಕೆಲವು ಅಸಾಧಾರಣ ವಿದ್ಯಾರ್ಥಿಗಳಲ್ಲಿ ಒಬ್ಬರು. ಅವರ ತಂದೆ ದಲ್ಬಾರ ಸಿಂಗ್ ನಿವೃತ್ತ ಸೇನಾ ರೇಡಿಯಾಲಜಿಸ್ಟ್. ಅವರ ತಾಯಿ ಮೀನಾ ಸಿಂಗ್ ಕೂಡ ಭಾರತೀಯ ಸೇನೆಯಲ್ಲಿ ಸೇವೆ ಸಲ್ಲಿಸಿದವರು.
ಚಂದ್ರಜ್ಯೋತಿ ಅವರ ಉತ್ತಮ ಶೈಕ್ಷಣಿಕ ಹಿನ್ನೆಲೆಯು ಆಡಳಿತದ ಕ್ಷೇತ್ರಕ್ಕೆ ಸೇರುವ ಮೂಲಕ ರಾಷ್ಟ್ರಕ್ಕೆ ಸೇವೆ ಸಲ್ಲಿಸುವ ದೃಢಸಂಕಲ್ಪವನ್ನು ಅವರಿಗೆ ನೀಡಿತು. ಪದವಿ ಮುಗಿಸಿದ ನಂತರ, ಅವರು ಯುಪಿಎಸ್ಸಿ ಸಿದ್ಧತೆಗಳ ಮೇಲೆ ಗಮನಹರಿಸಲು ಒಂದು ವರ್ಷ ರಜೆ ತೆಗೆದುಕೊಂಡರು. ಪ್ರತಿದಿನ 6-8 ಗಂಟೆಗಳ ಕಾಲ ಸ್ವಯಂ ಅಧ್ಯಯನ ಮಾಡುತ್ತಿದ್ದ ಚಂದ್ರಜ್ಯೋತಿ ಅವರು, 2019 ರಲ್ಲಿ ಮೊದಲ ಬಾರಿಗೆ ಯುಪಿಎಸ್ಸಿ ಪರೀಕ್ಷೆ ಬರೆಯುತ್ತಾರೆ.
ಚಂದ್ರಜ್ಯೋತಿ ಅವರು ಯುಪಿಎಸ್ಸಿ ಪರೀಕ್ಷೆಯಲ್ಲಿ ಅಖಿಲ ಭಾರತ 28ನೇ ರ್ಯಾಂಕ್ ಪಡೆಯುವ ಮೂಲಕ ಐಎಎಸ್ ಅಧಿಕಾರಿಯಾಗುವಲ್ಲಿ ಯಶಸ್ವಿಯಾಗುತ್ತಾರೆ. ಪ್ರಸ್ತುತ ಅವರು ರೂಪನಗರದ ಹೆಚ್ಚುವರಿ ಉಪ ಆಯುಕ್ತರಾಗಿ (ಗ್ರಾಮೀಣಾಭಿವೃದ್ಧಿ) ನೇಮಕಗೊಂಡಿದ್ದಾರೆ.
