ಬೆಳಗಾವಿ; ಕರ್ನಾಟಕ ರಾಜ್ಯ ಸರಕಾರಿ ನಿವೃತ್ತ ನೌಕರರ ಸಂಘ ಮತ್ತು ಕರ್ನಾಟಕ ರಾಜ್ಯ ಹಿರಿಯ ನಾಗರಿಕರ ಸಂಘ ಬೆಳಗಾವಿ ಇವರ ಸಂಯುಕ್ತ ಆಶ್ರಯದಲ್ಲಿ “ ಹೊಸ ಕಛೇರಿ ಉದ್ಘಾಟನಾ ಸಮಾರಂಭ “ ಮತ್ತು “ ಪಿಂಚಣಿದಾರರ ದಿನಾಚರಣೆ” ದಿನಾಂಕ: 17-12-2025 ರಂದು ಮುಂಜಾನೆ 10 ಘಂಟೆಗೆ ವಿಶ್ವೇಶ್ವರಯ್ಯ ನಗರದಲ್ಲಿರುವ ತೋಟಗಾರಿಕೆ ಇಲಾಖೆ ಕಟ್ಟಡದಲ್ಲಿ ಸನ್ಮಾನ್ಯ ಜಿಲ್ಲಾಧಿಕಾರಿಗಳಾದ ಶ್ರೀ ಮೊಹಮ್ಮದ ರೋಷನ್ ಮತ್ತು ಹಿಂದಿನ ಜಿಲ್ಲಾಧಿಕಾಗಳಾದ ಶ್ರೀ.ಎಮ್.ಜಿ.ಹಿರೇಮಠರವರು ಉದ್ಘಾಟನೆ ಮಾಡಿದರು.
ಕರ್ನಾಟಕ ರಾಜ್ಯ ಹಿರಿಯ ನಾಗರಿಕರ ಸಂಘದ ಅಧ್ಯಕ್ಷರಾದ ಶ್ರೀ.ಎ.ವಾಯ್.ಬೆಂಡಿಗೇರಿಯವರು ಮಾತನಾಡಿ ಈ ಹೊಸ ಕಛೇರಿಯನ್ನು ಉದ್ಘಾಟನೆ ಮಾಡಿದ ಇವರಿಬ್ಬರು ಶ್ರೀ.ಎಮ್.ಜಿ.ಹಿರೇಮಠರವರು ಹಳೆಯ ಕಛೇರಿಯನ್ನು ನೀಡಿದ್ದರು ಈಗ ಕಛೇರಿಯನ್ನು ಶ್ರೀ ಮೊಹಮ್ಮದ ರೋಷನ್ ನೀಡಿದ್ದಾರೆ. ಅದು ಸುಸಜ್ಜಿತವಾಗಿ ಮಾಡಿ ನೀಡಿದ್ದಕ್ಕೆ ಹಿರಿಯ ನಾಗರಿಕರ ಸಂಘ ಹಾಗೂ ರಾಜ್ಯ ನಿವೃತ್ತ ನೌಕರರ ಸಂಘದ ಪರವಾಗಿ ಹೃತ್ಪೂರ್ವಕರ ಅಭಿನಂದನೆಗಳನ್ನು ಸಲ್ಲಿಸಿ ಮುಂದೆಯೂ ಇದೇ ರೀತಿ ಹಿರಿಯ ನಾಗರಿಕೆ ಸಮಸ್ಯೆಗೆ ಸ್ಪಂದನೆ ನೀಡಿ ಸಹಾಯ, ಸಹಕಾರ ನೀಡಲು ವಿನಂತಿಸಿದರು.
ಕರ್ನಾಟಕ ರಾಜ್ಯ ಸರಕಾರಿ ನಿವೃತ್ತ ನೌಕರರ ಸಂಘದ ಅಧ್ಯಕ್ಷರಾದ ಶ್ರೀ.ಸಿದ್ನಾಳರವರು ಮಾತನಾಡಿ ಈ ಹೊತ್ತು ಪಿತಾಮಹ ದಿ || ಡಿ.ಎಸ್.ನಕ್ಕರವರು ನಮಗೆ ವರದಾನವಾದ ಪಿಂಚಣಿಯನ್ನು ನೀಡಲು ಹೋರಾಡಿದ ದಿನವೇ ಪಿಂಚಣಿದಾತ ದಿನಾಚರಣೆಯನ್ನು ಆಚರಿಸಲಾಯಿತು. ಭಾರತ ಸರ್ವೋಚ್ಛ ನ್ಯಾಯಾಲಯದ ನಿವೃತ್ತ ನ್ಯಾಯ ಮೂರ್ತಿಗಳು ಹಾಗೂ ಪ್ರಖಾತ್ಯ ನ್ಯಾಯಾವಾದಿಗಳಾದ ದಿ || ಡಿ.ಎಸ್.ನಕ್ಕರವರ ಪ್ರಯತ್ನದ ಫಲವಾಗಿ ನಾವು ಇಂದು ಪಿಂಚಣಿಯನ್ನು ಪಡೆಯುತ್ತಿದ್ದೇವೆ. ಅವರು ನಮ್ಮ ಪಿತಾಮಹರಾಗಿದ್ದಾರೆ. ಸತತವಾದ ಅಂದರೆ 1972 ರಿಂದ 1982 ರ ವರೆಗೆ 10 ವರ್ಷಗಳ ಹೋರಾಟದ ಫಲವಾಗಿ ಪಿಂಚಣಿ ನೀಡುವುದು ಬಿಕ್ಷೆಯಲ್ಲ ಅದು ನಮ್ಮ ಹಕ್ಕು ಅಂತಾ ಪ್ರತಿಪಾದಿಸಿದರು ಅಂದಿನ ಸುಪ್ರೀಮ್ ಕೋರ್ಟ ಮುಖ್ಯ ನ್ಯಾಯಾಮೂರ್ತಿಗಳಾದ ಶ್ರೀ. ವಾಯ್.ಬಿ. ಚಂದ್ರಚೂಡರವರು ವಾದವನ್ನು ಆಲಿಸಿ ನಿವೃತ್ತ ನೌಕರರಿಗೆ ಪಿಂಚಣಿ ನೀಡುವುದು ಬಿಕ್ಷೆಯಲ್ಲ ಅವರ ಹಕ್ಕು ಅಂತಾ ಆದೇಶ ಮಾಡಿದರು ಆದ್ದರಿಂದ ಪ್ರತಿ ವರ್ಷ 17-12-1982 ರಂದು ಪಿಂಚಣಿ ದಿನಾಚರಣೆಯನ್ನು ಆಚರಿಸಲಾಗುತ್ತದೆ ಅಂತಾ ತಿಳಿಸಿದರು.
ರಾಷ್ಟ್ರೀಯ ಉಪಾಧ್ಯಕ್ಷರಾದ ಶ್ರೀ ಮಹಾಂತೇಶ ಹಿರೇಮಠರವರು ಮಾತನಾಡಿ, ಪ್ರತಿ ಮೂರು ತಿಂಗಳೊಮ್ಮೆ ಸಭೆಯನ್ನು ಕರೆಯಬೇಕು ಹಿರಿಯ ನಾಗರೀಕರ ಕುಂದು ಕೊರತೆಗಳ ಬಗ್ಗೆ ಇಲಾಖೆ, ಕಾನೂನ್ವಯ ಆದೇಶಗಳನ್ನು ನೀಡಿ ಅವರಿಗೆ ನ್ಯಾಯ ದೊರಕಿಸಿ ಕೊಡಲು ಮಾನ್ಯ ಜಿಲ್ಲಾಧಿಕಾರಿಗಳಿಗೆ ವಿನಂತಿಸಿದರು. ಹಿರಿಯ ನಾಗರಿಕರಿಗೆ ಯಾವುದೇ ತೊಂದರೆಗಳಾಗಿದ್ದರೆ ಸಂಘಕ್ಕೆ ಬನ್ನಿರಿ ನಿಮ್ಮ ಸೇವೆಗೆ ನಾವು ಹೋರಾಟ ಮಾಡಿ ನ್ಯಾಯ ದೊರಕಿಸಿ ಕೊಡಲು ಸಹಾಯ ಸಹಕಾರ ನೀಡಲು ಸಿದ್ಧ ಎಂದು ತಿಳಿಸಿದರು ಎಲ್ಲರೂ ಸಂಘದ ಸದಸ್ಯರಾಗಿ ಸಂಘವನ್ನು ಬಲಪಡಿಸಲು ಕೋರಿದರು.
ಪ್ರಧಾನ ಕಾರ್ಯದರ್ಶಿ ಮುದಕವಿ, ನೀರಲಗಿಮಠ, ಶ್ರೀಮತಿ ರಜಪೂತ, ಚಟ್ಟೇರ್, ಮಳಾಯಿ, ಕೆಂಚರಾಹುತ, ದೊಡ್ಡಬಂಗಿ, ಹೆದ್ದೂರಶೆಟ್ಟಿ ಮಾತನಾಡಿದರು.
ಶ್ರೀ. ಬನಶಂಕರಿಯವರು ಎಲ್ಲರಿಗೂ ವಂದಿಸಿದರು
