ವಿದ್ಯಾರ್ಥಿಗಳು SPRINTFEST 2026 ನಲ್ಲಿ ₹40 ಲಕ್ಷ ಸಂಗ್ರಹಿಸುವ ಗುರಿ

ಬೆಂಗಳೂರು : ಬ್ರಿಗೇಡ್ ಫೌಂಡೇಶನ್‌ನ ಉಪಕ್ರಮವಾದ ದಿ ಬ್ರಿಗೇಡ್ ಸ್ಕೂಲ್ಸ್  ತನ್ನ ಪ್ರಮುಖ ಓಟವಾದ SprintFest 2026ರ ಅಧಿಕೃತ ಪ್ರಾರಂಭವನ್ನು ಸೂಚಿಸಲು ಸಮಾರಂಭಪೂರ್ವಕ ನಡಿಗೆಯನ್ನು ಆಯೋಜಿಸಿತು. ಇದು ವಿದ್ಯಾರ್ಥಿಗಳಿಂದ ಮುನ್ನಡೆಸಲ್ಪಟ್ಟ ವಿಶಿಷ್ಟ ಉಪಕ್ರಮವಾಗಿದ್ದು, ಕ್ರೀಡಾ ಸ್ಫೂರ್ತಿಯನ್ನು ಸಾಮಾಜಿಕ ಹೊಣೆಗಾರಿಕೆಯಿಂದ ಕೂಡಿಸುತ್ತದೆ. ಈ ಓಟವು ಶಾಲೆಗಳು, ಸಾರ್ವಜನಿಕರು ಮತ್ತು ವೃತ್ತಿಪರ ಓಟಗಾರರಿಗೆ ಮುಕ್ತವಾಗಿದ್ದು 2026ರ ಆಗಸ್ಟ್ 9ನೇ ತಾರೀಖಿನ ಭಾನುವಾರ ನಡೆಯಲಿದೆ. ಓಟವು ಸೇಂಟ್ ಜೋಸೆಫ್ ಇಂಡಿಯನ್ ಹೈ ಸ್ಕೂಲ್ ಮೈದಾನದಿಂದ ಪ್ರಾರಂಭವಾಗಿ, ಕಬ್ಬನ್ ಪಾರ್ಕ್ ಮತ್ತು ವೆಂಕಟಪ್ಪ ಕಲಾ ಗ್ಯಾಲರಿಯ ಮೂಲಕ ಸಾಗಿಸಿ, ಮತ್ತೆ ಸೇಂಟ್ ಜೋಸೆಫ್ ಇಂಡಿಯನ್ ಹೈ ಸ್ಕೂಲ್ ಮೈದಾನದಲ್ಲೇ ಮುಕ್ತಾಯಗೊಳ್ಳುತ್ತದೆ. ಸುಮಾರು 200 ಜನರು, ಅದರಲ್ಲು ವಿವಿಧ ರನ್ನಿಂಗ್ ಗುಂಪುಗಳನ್ನು ಪ್ರತಿನಿಧಿಸುವ 100ಕ್ಕೂ ಹೆಚ್ಚು ವೃತ್ತಿಪರ ಓಟಗಾರರು, ಈ ಪ್ರಾರಂಭಿಕ ನಡಿಗೆಯಲ್ಲಿ ಭಾಗವಹಿಸಿದರು.

ಈ ವರ್ಷದ SprintFest ನಲ್ಲಿ 1K, 3K, 5K ಮತ್ತು 10K ಎಂಬ ಮೂರು ಪ್ರಮುಖ ವಿಭಾಗಗಳಲ್ಲಿ 3,000ಕ್ಕೂ ಹೆಚ್ಚು ಓಟಗಾರರು ಭಾಗವಹಿಸುವ ನಿರೀಕ್ಷೆಯಿದ್ದು, ಇದು ನಗರದಲ್ಲಿನ ಅತ್ಯಂತ ಹೆಚ್ಚು ಸಮುದಾಯ ಭಾಗವಹಿಸುವಿಕೆಯುಳ್ಳ ಕ್ರೀಡಾ ಕಾರ್ಯಕ್ರಮಗಳಲ್ಲಿ ಒಂದಾಗಿದೆ.

ದಿ ಬ್ರಿಗೇಡ್ ಸ್ಕೂಲ್ಸ್‌ನ ಹಿರಿಯ ವಿದ್ಯಾರ್ಥಿಗಳು SprintFest 2026ರ ಸಂಘಟನೆಯಲ್ಲಿ ಮುಂಚೂಣಿಯಲ್ಲಿ ನಿಲ್ಲಲಿದ್ದು ಪ್ರಚಾರ, ಲಾಜಿಸ್ಟಿಕ್ಸ್ ಮತ್ತು ನಿಧಿ ಸಂಗ್ರಹಣೆ ಸೇರಿದಂತೆ ವಿವಿಧ ಕ್ಷೇತ್ರಗಳಲ್ಲಿ ಸಕ್ರಿಯವಾಗಿ ಪಾಲ್ಗೊಳ್ಳುತ್ತಾರೆ. ಇದರಿಂದ ಅವರಿಗೆ ಈವೆಂಟ್ ಮ್ಯಾನೇಜ್‌ಮೆಂಟ್ ಮತ್ತು ಸಾಮಾಜಿಕ ಪರಿಣಾಮದ ಬಗ್ಗೆ ಅಮೂಲ್ಯ ಅನುಭವ ಲಭ್ಯವಾಗುತ್ತದೆ. ಈ ಓಟದಿಂದ ಭಾಗವಹಿಸುವಿಕೆ ಮತ್ತು ಪ್ರಾಯೋಜಕತ್ವಗಳ ಮೂಲಕ ಸುಮಾರು ₹40 ಲಕ್ಷ ಸಂಗ್ರಹಿಸುವ ಗುರಿಯನ್ನು ವಿದ್ಯಾರ್ಥಿಗಳು ಹೊಂದಿದ್ದು ಆ ಹಣವನ್ನು ಹಿಂದುಳಿದ ಮಕ್ಕಳ ಆರೋಗ್ಯ ಮತ್ತು ಶಿಕ್ಷಣಕ್ಕೆ ವಿನಿಯೋಗಿಸಲಾಗುತ್ತದೆ.

ಬ್ರಿಗೇಡ್ ಗ್ರೂಪ್‌ನ ಜಂಟಿ ವ್ಯವಸ್ಥಾಪಕ ನಿರ್ದೇಶಕಿ ಮತ್ತು SprintFest 2026ರ ರಾಯಭಾರಿ ಆಗಿರುವ  ನಿರೂಪ ಶಂಕರ್ ಅವರು ಅಧಿಕೃತ ರೇಸ್ ದಿನದ ಟೀ-ಶರ್ಟ್ ಮತ್ತು ಪದಕವನ್ನು ಅನಾವರಣಗೊಳಿಸಿದರು.

ಇನ್ನೂ ಬ್ರಿಗೇಡ್ ಸ್ಕೂಲ್ ಅವರು ಮಾಡುತ್ತಿರುವ ಸಮಾಜಮುಖಿ ಕಾರ್ಯಗಳು ಹಾಗೂ ಕಳಕಳಿಯನ್ನು ಹೇಳುವ ಮೂಲಕ ಈ ಕಾರ್ಯಕ್ರಮದ ಕುರಿತು ರಾಜೇಶ್ ನಾರಾಯಣ್ ಅವರು ಸಾಕಷ್ಟು ಮಾಹಿತಿಯನ್ನು ಸಹ ಹಂಚಿಕೊಂಡರು. ಇನ್ನು ದಿ ಬ್ರಿಗೇಡ್ ಶಾಲೆಯ ನೂರಾರು ಮಕ್ಕಳು, ಉದ್ಯಮಿಗಳು ಸಾಮಾಜಿಕ ಕಳಕಳಿಯುಳ್ಳವರು, ಸಾರ್ವಜನಿಕರು ಹೀಗೆ ಹತ್ತು ಹಲವು ಸಾರ್ವಜನಿಕ ವಲಯದ ಜನರು ಭಾಗವಹಿಸಿದರು.

 ಗಂಭೀರ ಓಟಗಾರರಿಗೆ ತರಬೇತಿಗೆ ಸಾಕಷ್ಟು ಸಮಯ ದೊರಕುವಂತೆ, ಆರು ತಿಂಗಳಿಗೂ ಮುಂಚಿತವಾಗಿ ಪ್ರಕಟಣೆಯನ್ನು ಮಾಡಲಾಗಿದ್ದು ಓಟಕ್ಕೆ ತರಬೇತಿ ಪಡೆದುಕೊಳ್ಳುವರು ಹಾಗೂ ಫೋಟೋದಲ್ಲಿ ಭಾಗವಹಿಸುವವರಿಗೆ ಕಾಲಾವಕಾಶ ನೀಡಲಾಗಿದೆ ದಿ ಬ್ರಿಗೇಡ್ ಸ್ಕೂಲ್ಸ್ www.brigadeschools.edu.in ನಲ್ಲಿ ನೊಂದಾಯಿಸಿಕೊಳ್ಳಬಹುದಾಗಿದೆ.

ಬ್ರಿಗೇಡ್ ಫೌಂಡೇಶನ್ ಬಗ್ಗೆ ಮಾಹಿತಿ:

2003ರಲ್ಲಿ ಸ್ಥಾಪಿತವಾದ ಬ್ರಿಗೇಡ್ ಫೌಂಡೇಶನ್, ಬ್ರಿಗೇಡ್ ಗ್ರೂಪ್‌ನ ಲಾಭರಹಿತ ಟ್ರಸ್ಟ್ ಆಗಿದ್ದು, ಸಮುದಾಯ ಅಭಿವೃದ್ಧಿ ಶಿಕ್ಷಣ ಮತ್ತು ಆರೋಗ್ಯ ಸೇವೆಗಳಿಗೆ ಬೆಂಬಲ ನೀಡುವ ಉದ್ದೇಶವನ್ನು ಹೊಂದಿದೆ. ಈ ಫೌಂಡೇಶನ್ ಬೆಂಗಳೂರಿನಲ್ಲಿ JP ನಗರ, ಮಲ್ಲೇಶ್ವರಂ ಮತ್ತು ಮಹದೇವಪುರದಲ್ಲಿ 'ದಿ ಬ್ರಿಗೇಡ್ ಸ್ಕೂಲ್' ಎಂಬ ಹೆಸರಿನಲ್ಲಿ ಮೂರು ಪ್ರಸಿದ್ಧ CBSE ಶಾಲೆಗಳನ್ನು ಯಶಸ್ವಿಯಾಗಿ ಸ್ಥಾಪಿಸಿದೆ. ಬೆಂಗಳೂರು ಚೇಂಬರ್ ಆಫ್ ಇಂಡಸ್ಟ್ರಿ ಅಂಡ್ ಕಾಮರ್ಸ್ (BCIC) ಜೊತೆಗೆ, ಬ್ರಿಗೇಡ್ ಫೌಂಡೇಶನ್ ಏರೋಸ್ಪೇಸ್ ಪಾರ್ಕ್, ಉತ್ತರ ಬೆಂಗಳೂರಿನಲ್ಲಿ 'ಬ್ರಿಗೇಡ್-BCIC ಕೌಶಲ್ಯ ಅಭಿವೃದ್ಧಿ ಅಕಾಡೆಮಿ' ಯನ್ನು ಸ್ಥಾಪಿಸುತ್ತಿದೆ. ಇದು ಒಂದು ಶ್ರೇಷ್ಠತೆಯ ಕೇಂದ್ರವಾಗಿರುತ್ತದೆ.

ಬ್ರಿಗೇಡ್ ಫೌಂಡೇಶನ್ 'ದಿ ಇಂಡಿಯನ್ ಮ್ಯೂಸಿಕ್ ಎಕ್ಸ್‌ಪೀರಿಯನ್ಸ್ ಮ್ಯೂಸಿಯಂ (IME)' ಅನ್ನು ಸ್ಥಾಪಿಸಿದ್ದು, ಇದು ಭಾರತದ ಮೊದಲ ಸಂವಹನಾತ್ಮಕ ಸಂಗೀತ ಸಂಗ್ರಹಾಲಯವಾಗಿದೆ. ಕನಕಪುರ ರಸ್ತೆಯ ಬ್ರಿಗೇಡ್ ಮೆಡೋಸ್‌ನಲ್ಲಿ ಲಾಭರಹಿತ ಆಸ್ಪತ್ರೆಯನ್ನು ಸೇಂಟ್ ಜೋನ್ಸ್ ಮೆಡಿಕಲ್ ಕಾಲೇಜ್ ಆಸ್ಪತ್ರೆಯ ಸಹಯೋಗದಲ್ಲಿ ಕಳೆದ ವರ್ಷ ಕಾರ್ಯಾರಂಭ ಮಾಡಲಾಗಿದೆ. ಮತ್ತೊಂದು ಆಸ್ಪತ್ರೆ ಏರೋಸ್ಪೇಸ್ ಪಾರ್ಕ್‌ ಬ್ರಿಗೇಡ್ EL-Doradoದಲ್ಲಿ ನಿರ್ಮಾಣ ಹಂತದಲ್ಲಿದ್ದು, ಡಿಸೆಂಬರ್ ಅಂತ್ಯದೊಳಗೆ ಪೂರ್ಣಗೊಳ್ಳುವ ನಿರೀಕ್ಷೆಯಿದೆ.