ನ್ಯೂರಾಲಿಂಕ್ ಕಂಪನಿ ಮಹಿಳಾ ಉದ್ಯೋಗಿಯಿಂದ ಮೂರನೇ ಮಗು ಪಡೆದ ಬಿಲಿಯನೇರ್ ಎಲಾನ್ ಮಸ್ಕ್

ವಾಷಿಂಗ್ಟನ್ : ಬಿಲಿಯನೇರ್ ಉದ್ಯಮಿ ಮತ್ತು ಟೆಸ್ಲಾ, ಸ್ಪೇಸ್‌ಎಕ್ಸ್, ನ್ಯೂರಾಲಿಂಕ್ ಮತ್ತು ದಿ ಬೋರಿಂಗ್ ಕಂಪನಿಯ ಸಂಸ್ಥಾಪಕ ಎಲಾನ್ ಮಸ್ಕ್ ಮತ್ತೆ ತಂದೆಯಾಗಿದ್ದಾರೆ. ಎಲಾನ್ ಮಸ್ಕ್ ಮೂರು ವಿಭಿನ್ನ ಮಹಿಳೆಯರಿಂದ ಒಟ್ಟು 11 ಮಕ್ಕಳ ತಂದೆಯಾಗಿದ್ದಾರೆ. ಇವರಲ್ಲಿ ಇಬ್ಬರು ಅವರ ಪತ್ನಿಯರು ಮತ್ತು ಒಬ್ಬರು ಅವರ ಕಂಪನಿಯ ಉದ್ಯೋಗಿ. ಬ್ಲೂಮ್‌ಬರ್ಗ್ ಪ್ರಕಾರ, ಈ ವರ್ಷ 12 ನೇ ಮಗುವಿನ ತಂದೆಯಾಗಿದ್ದಾರೆ. ಆದರೆ ಇದುವರೆಗೂ ಆ ಮಗುವಿನ ಬಗ್ಗೆ ಯಾರಿಗೂ ಮಾಹಿತಿ ಇಲ್ಲ. ಎಲಾನ್ ಮಸ್ಕ್ ಅವರಿಗೆ ಇದುವರೆಗೆ ಒಟ್ಟು 13 ಮಕ್ಕಳು ಜನಿಸಿದ್ದಾರೆ. ಇವರಲ್ಲಿ ಒಬ್ಬರು ಮೃತಪಟ್ಟಿದ್ದು, ಮತ್ತೊಬ್ಬರ ಬಗ್ಗೆ ಇನ್ನೂ ಮಾಹಿತಿ ನೀಡಿಲ್ಲ. ಬಿಲಿಯನೇರ್ ಉದ್ಯಮಿ ಮತ್ತು ಟೆಸ್ಲಾ, ಸ್ಪೇಸ್‌ಎಕ್ಸ್, ನ್ಯೂರಾಲಿಂಕ್ ಮತ್ತು ದಿ ಬೋರಿಂಗ್ ಕಂಪನಿಯ ಸಂಸ್ಥಾಪಕ, ಎಲಾನ್ ಮಸ್ಕ್ ತನ್ನ ಮೊದಲ ಪತ್ನಿ ಜಸ್ಟಿನ್ ವಿಲ್ಸನ್ ಅವರಿಂದ ಐದು ಮಕ್ಕಳನ್ನು ಪಡೆದಿದ್ದಾರೆ. ಈ ಪೈಕಿ ಅವಳಿ ಮತ್ತು ಮೂರು ಮಕ್ಕಳು ಒಟ್ಟಿಗೆ ಜನಿಸಿದರು. ಅವಳಿಗಳ ಹೆಸರು ಕ್ಸೇವಿಯರ್ ಮತ್ತು ಡೇಮಿಯನ್. ಅವಳಿ ಮಕ್ಕಳ ಹೊರತಾಗಿ, ವಿಲ್ಸನ್ ಇನ್ನೂ ಮೂರು ಮಕ್ಕಳನ್ನು ಹೊಂದಿದ್ದು, ಈ ಮೂವರೂ ಗಂಡು ಮಕ್ಕಳೇ. ಅವರ ಹೆಸರುಗಳು ಕಾಯ್, ಸ್ಯಾಕ್ಸನ್ ಮತ್ತು ಡಾಮಿಯನ್. ಎಲಾನ್-ಜಸ್ಟಿನ್ ಅವರ ಹಿರಿಯ ಮಗುವಿನ ಹೆಸರು ನೆವಾಡಾ ಅಲೆಕ್ಸಾಂಡರ್ ಮಸ್ಕ್ ಆತ ತೀರಿಕೊಂಡಿದ್ದಾನೆ. ಗಾಯಕಿ ಗ್ರಿಮ್ಸ್ ಮತ್ತು ಎಲಾನ್ ಅವರಿಗೆ ಮೂವರು ಮಕ್ಕಳಿದ್ದಾರೆ. ಮಗನ ಹೆಸರು X Æ A-Xii (X Ash A Twelve) ಮತ್ತು ಟೆಕ್ನೋ ಮೆಕಾನಿಕಸ್ ಮಸ್ಕ್. ಮಗಳ ಹೆಸರು ಆಕ್ಸಾ ಡಾರ್ಕ್ ಸೈಡೆರಲ್ ಮಸ್ಕ್. ಎಲಾನ್ ಅವರು ನ್ಯೂರಾಲಿಂಕ್ ಕಂಪನಿಯ ಉದ್ಯೋಗಿ ಶಿವೋನ್ ಜಿಲಿಸ್ ಅವರೊಂದಿಗೆ ಅವಳಿ ಮಕ್ಕಳನ್ನು ಹೊಂದಿದ್ದರು. ಈ ವರ್ಷ ಜನಿಸಿದ ಅವರ ಮೂರನೇ ಮಗುವಿನ ಹೆಸರಿನ ಬಗ್ಗೆ ಇನ್ನೂ ಯಾರಿಗೂ ತಿಳಿದಿಲ್ಲ.