अध्यक्षानी दिला स्थापनेच्या आठवणीना उजाळा
कंग्राळी खुर्द - शैक्षणिक , सामाजिक , क्रिडा व राजकीय क्षेत्रात कार्यरत असलेल्या मार्कडेय युवक संघाचा 55 वा वर्धापन दिन मोठया उत्साहात , विविध नवे संकल्प डोळ्या समोर ठेवून साजरा करण्यात आला यावेळी संघाचे अध्यक्ष बी एन पूजारी यांनी संघ स्थापने वेळीच्या आठवणी व संघर्ष यांना उजाळा देऊन नवीन तरुणानी या संघाच्या कार्यात सहभागी व्हावे असे आवाहन केले .
संघाच्या कार्यालयात झालेल्या कार्यक्रमांत प्रारंभी श्री मरगाणाईदेवी पूजन ग्राप सदस्य यशोधन तुळसकर व राकेश पाटील यांनी , श्री मातंगी देवी पूजन मा जवान सोमनाथ पाटील यांनी तर मंडळ फलख पूजन जवान अक्षय बेळगांवकर व ग्राप सदस्य वैजनाथ बेन्नाळकर यांनी केले . त्यानंतर उपस्थित तरुणांना प्रोत्साहित करतांना अध्यक्ष पूजारी व मार्कंडेय साखर कारखाना अध्यक्ष आरआय पाटील यांनी मार्गदर्शन करतांना संघाची स्थापना 55 वर्षापूर्वी अनेक अडचणीतून झाली असून कै. आ. बी आय पाटील , कै. एम आय पाटील , कै. के.एम पाटील , आर पी धामणेकर, संघाचे अध्यक्ष बी एन पुजारी सह त्यावेळच्या 50 पेक्षा जास्त तरुणांनी न डगमगता ग्राप चा विरोध झुगारून , संघर्ष करून स्थापना केली .
त्यानंतर संघाच्या माध्यमातून कब्बडी , खोखो , कुस्ती ,ॲथलेटीक व अलीकडे शरीरसौष्ठव मध्ये अनेक खेळाडू निर्माण केले हायस्कूल व व्यायाम शाळा स्थापना करून गावातील मुलांची शिक्षणाची व व्यायामाची सोय केली आहे . या संघाच्याच कार्याची ओळख सीमाभागात झालेले कै आम . बीआय पाटील यांना राजकीय आशिर्वाद मिळाला आणि ते राजकरणात सक्रिय झाले . त्यामुळे आता गावातील तरुणांनी या संघात सक्रिय सहभागी होऊन परंपरा सुरू ठेवावी असे आवाहन केले यावेळी संघाच्या व्यायाम शाळेत आता नवीन आधुनिक उपकरणे आणली जाणार असे ग्राप सदस्य प्रशांत पाटील यांनी सांगितले .
यावेळी वरील मान्यवरांसह जष्ठ सदस्य रमेश पाटील , बाबू पावशे,विष्णू मुतगेकर ,रणजित पाटील , प्रकाश पाटील, निखिल पाटील, प्रशांत देसाई, रवळनाथ यादव, प्रल्हाद पाटील, ज्योतिबा सर मनोहर पाटील , दर्शन पाटील , विशाल पाटील , मंजूनाथ पाटील सुशांत जाधव ओमकार पावशे,यांचेसह संघाचे शेकडो कार्यकर्ते उपस्थित होते . सूत्र संचालन किसन पाटील यांनी तर शेवटी आभार प्रकाश पाटील यांनी मानले .
