भारताचे उपराष्ट्रपती सी. पी. राधाकृष्णन यांचे बेळगाव विमानतळावर आगमन झाले. त्यांच्या स्वागतासाठी कर्नाटकचे राज्यपाल थावरचंद गेहलोत उपस्थित होते.
उपराष्ट्रपती राधाकृष्णन हे चिकोडी तालुक्यातील येडुर येथे आयोजित धार्मिक कार्यक्रमात सहभागी होण्यासाठी कर्नाटक दौऱ्यावर आले होते. बेळगाव विमानतळावरून ते थेट येडुरकडे रवाना झाले.
त्यांच्या आगमनावेळी बेळगावचे पालकमंत्री सतीश जारकीहोळी, महापौर मंगेश पवार, राज्यसभा सदस्य इराण्णा कडाडी तसेच प्रादेशिक आयुक्त जानकी, जिल्हाधिकारी मोहम्मद रोशन आणि पोलीस आयुक्त भूषण बोरसे यांच्यासह अनेक अधिकारी उपस्थित होते.
उपराष्ट्रपतींच्या भेटीच्या पार्श्वभूमीवर विमानतळ परिसरात सुरक्षा व्यवस्था कडक ठेवण्यात आली होती.
