बेळगाव शहरात भारत रत्न डॉ. बाबासाहेब आंबेडकर यांच्या विचारांचा जागर करणारा 208 वा भीमाकोरेगाव विजयोत्सव आज भारत रत्न डॉ. बाबासाहेब आंबेडकर उद्यानात मोठ्या उत्साहात पार पडला. बाबासाहेब आंबेडकरांच्या मूर्तीला मान्यवरांच्या हस्ते पुष्पहार अर्पण करून कार्यक्रमाला चालना देण्यात आले.त्यानंतर भीम वंदना देण्यात आली.
दरवर्षीप्रमाणे यंदाही या ऐतिहासिक विजयोत्सवात विविध सामाजिक संघटना, दलित चळवळीतील कार्यकर्ते, विचारवंत, प्रगतिशील नागरिक तसेच बाबासाहेबांचे अनुयायी मोठ्या संख्येने सहभागी झाले होते. कार्यक्रमाच्या माध्यमातून समता, स्वाभिमान आणि सामाजिक न्यायाचा संदेश प्रभावीपणे मांडण्यात आला.
कार्यक्रमाचे प्रमुख आकर्षण म्हणून ख्यातनाम पत्रकार व अभ्यासक डॉ. के. एन. दोडमनी यांनी भीमाकोरेगाव विजयोत्सवाच्या ऐतिहासिक व सामाजिक महत्त्वावर मार्गदर्शनपर व्याख्यान दिले. त्यांच्या अभ्यासपूर्ण भाषणाने उपस्थितांना प्रेरणा दिली.
https://youtube.com/shorts/XdDPPeV8FrI?si=rGtOzA9LWAnnPtTo
यावेळी मल्लेश चौगले, जीवन कुरणे, महादेव तलवार, सुधीर चौगले, मल्लेश कुरंगी,सोसायटी चेअरमन संदीप कोलकर, सुबू कांबळे, महेश कोलकर, समता सैनिक दलचे यल्लाप्पा गडीनाईक, दीपक मैत्री यांच्यासह अनेक दलित नेते, कार्यकर्ते व नागरिक उपस्थित होते.
भीमाकोरेगाव विजयोत्सवाच्या माध्यमातून बाबासाहेब आंबेडकरांचे विचार पुढील पिढीपर्यंत पोहोचवण्याचा आणि सामाजिक न्यायासाठी लढा अधिक बळकट करण्याचा निर्धार यावेळी व्यक्त करण्यात आला.
