रामदुर्ग तालुक्यातील चंदरगी येथे ७ आणि ८ सप्टेंबर २०२५ रोजी झालेल्या कर्नाटक राज्य जूडो स्पर्धेत तुकाराम लमाणी, वैभव पाटील, नेत्रा पत्रावळे, अंजली पाटील, दर्शन पाटील आणि धनुष्य एल. यांनी सुवर्णपदक पटकावत उत्तर प्रदेश व आंध्र प्रदेश येथे होणाऱ्या राष्ट्रीय स्पर्धेसाठी पात्रता मिळवली.
त्यानंतर १३ ऑक्टोबर २०२५ रोजी बेळगाव येथे झालेल्या अंतरमहाविद्यालयीन जूडो स्पर्धेत भुषण वनारसे, सौरभ पाटील, रोहन बी.एस., राधिका डुकरे आणि सायिश्वरी कोडचवाडकर यांनी सुवर्णपदके जिंकत मध्यप्रदेशातील भोपाळ येथे होणाऱ्या राष्ट्रीय स्पर्धेत स्थान निश्चित केले.
२५ ते २७ ऑक्टोबर दरम्यान बेळगाव येथे झालेल्या राज्यस्तरीय शालेय जूडो स्पर्धेत आसिमा सल्मानी, मेघना मुल्या, कावेरी सूर्यवंशी, आरती मुरकुटे, सहाना बेलगली, वैष्णवी भडांगे, वैभव पाटील, अंजली पाटील, श्लोक कातकर, तेजस आणि श्रेयल कौरी यांनीही सुवर्णपदके मिळवत राजस्थान व मणिपूर येथे होणाऱ्या राष्ट्रीय पातळीवरील स्पर्धेसाठी पात्रता मिळवली.
तसेच २७ आणि २८ ऑक्टोबर रोजी चित्रदुर्ग येथे पार पडलेल्या राज्यस्तरीय पदविपूर्व जूडो स्पर्धेत संधना, श्वेता अलकनूर, दिव्या पाटील, सोनालिका सी.एस., आफ्रिनबानू, संगमेश मदली, बसलिंगय्या अथनीमठ, धनुष्य एल., आर्यन डोंगळे, चंद्रशेखरगौड आणि प्रथमेश पाटील यांनी सुवर्णपदकांची कमाई करत नवी दिल्ली येथे होणाऱ्या राष्ट्रीय जूडो स्पर्धेसाठी पात्रता मिळवली आहे.
या यशाबद्दल युवा सक्षमीकरण आणि क्रीडा विभागाचे उपसंचालक श्री. बी. श्रीनिवास, तसेच जूडो प्रशिक्षिका कु. रोहिणी पाटील आणि श्रीमती कुतुजा मुल्तानी यांनी खेळाडूंना शुभेच्छा देऊन त्यांच्या उज्ज्वल भविष्यासाठी शुभेच्छा व्यक्त केल्या.
