श्रीधर एन. मलगी आणि साहिल आर. जाधव या दोघांनी मिळून तब्बल 1 सुवर्ण, 4 रौप्य आणि 4 कांस्य पदके पटकावत स्पर्धेवर आपला ठसा उमटवला.
स्विमर्स क्लब बेळगाव आणि अक्वेरियस स्विम क्लब बेळगावचे प्रतिनिधित्व करणाऱ्या श्रीधर मलगी यांनी विविध जलतरण प्रकारांमध्ये सात पदके पटकावली. 50 मीटर ब्रेस्टस्ट्रोकमध्ये त्यांनी सुवर्ण पदक मिळवले, तर बटरफ्लाय आणि फ्रीस्टाईल प्रकारात त्यांनी रौप्य व कांस्य पदकांची कमाई केली.
साहिल जाधव यानेही आंतरराष्ट्रीय स्तरावर आपली गुणवत्ता सिद्ध करत 50 मीटर बॅकस्ट्रोकमध्ये रौप्य पदक, तर 200 मीटर इंडिव्हिज्युअल मेडलेमध्ये कांस्य पदक पटकावले. याशिवाय इतर स्पर्धांमध्ये त्याने चौथा व पाचवा क्रमांक मिळवत दमदार कामगिरी केली.
हे दोन्ही खेळाडू बेळगाव येथील सुवर्णा जेएनएमसी (ऑलिम्पिक आकाराच्या) जलतरण तलावात सकाळ-संध्याकाळ कठोर सराव करत असून, त्यांना उमेश कालघाटगी सर, तसेच प्रशिक्षक अक्षय शिरगर, अजिंक्य मेंढके, नितीश कुदुचकर व गोवर्धन काकतकर यांचे मार्गदर्शन लाभत आहे.
या दोन्ही खेळाडूंना पॉलीहायड्रॉन फाउंडेशन, बेळगाव यांचे प्रायोजकत्व लाभले असून, डॉ. प्रभाकर कोरे (KLE सोसायटी), श्री. दिलीप चिटणीस, जयभारत फाउंडेशन, SLK ग्रुप, अलाईड फाउंडर्स, राम मल्ल्या, डॉ. नितीन खोत यांच्यासह अनेक मान्यवरांचे मोलाचे सहकार्य लाभत आहे.
रेक्याविक इंटरनॅशनल गेम्स ही पॅरा खेळाडूंसाठी महत्त्वाची आंतरराष्ट्रीय व्यासपीठ मानली जाते. या स्पर्धेतील कामगिरीमुळे भारतीय पॅरा जलतरणाला नवी ओळख मिळाली आहे.
