उद्घाटन प्रसंगी रोबोटिक्स आणि डिजिटल तंत्रज्ञानाशी संबंधित विविध प्रात्यक्षिके सादर करण्यात आली. विद्यार्थ्यांनी विकसित केलेल्या रोबोट्सची कार्यपद्धती आणि त्यामागील संकल्पना पाहून उपस्थितांनी विशेष उत्सुकता व्यक्त केली.
या केंद्रामध्ये विद्यार्थ्यांना कृत्रिम बुद्धिमत्ता (AI), मशीन लर्निंग, ड्रोन प्रोग्रामिंग, रोबोटिक्स, इंटरनेट ऑफ थिंग्स (IoT), डिझाईन थिंकिंग आणि 3D प्रिंटिंग यांसारख्या अत्याधुनिक विषयांमध्ये प्रशिक्षण दिले जाणार आहे. प्रशिक्षणामध्ये प्रत्यक्ष प्रयोग, प्रात्यक्षिके आणि प्रकल्पांच्या माध्यमातून विद्यार्थ्यांना शिकण्याची संधी मिळणार आहे.
यावेळी बोलताना फ्रेंचायझी संचालक अजीज बरफवाला यांनी सांगितले की, बेळगावातील विद्यार्थ्यांना आधुनिक तंत्रज्ञानाचे दर्जेदार शिक्षण उपलब्ध करून देणे हा या उपक्रमाचा मुख्य उद्देश आहे. शहरातील विविध शाळांमध्येही अशा प्रकारचे प्रशिक्षण मोफत स्वरूपात देण्याचा मानस असल्याचे त्यांनी स्पष्ट केले.
कार्यक्रमात बोलताना मृणाल हेब्बाळकर यांनी विद्यार्थ्यांनी बदलत्या तंत्रज्ञानाशी जुळवून घेत आधुनिक कौशल्ये आत्मसात करणे ही काळाची गरज असल्याचे नमूद केले. अधिकाधिक विद्यार्थ्यांपर्यंत तंत्रज्ञानाधारित शिक्षण पोहोचवण्यासाठी प्रयत्न करण्यात येतील, असेही त्यांनी सांगितले.
या नव्या केंद्राच्या स्थापनेमुळे बेळगावातील विद्यार्थ्यांना लहान वयातच विज्ञान, नवकल्पना आणि अत्याधुनिक तंत्रज्ञानाचे प्रत्यक्ष प्रशिक्षण घेण्याची नवी संधी उपलब्ध झाली आहे.
