मोर्चात सहभागी झालेल्या तृतीयपंथीयांनी जोरदार घोषणाबाजी केली. हे विधेयक सर्वोच्च न्यायालयाच्या ऐतिहासिक ‘नाल्सा’ निकालाच्या विरोधात असून स्वतःची ओळख आणि स्वायत्ततेवर गदा आणणारे असल्याचा आरोप आंदोलकांनी केला.
‘ट्रान्सजेंडर’ या संज्ञेची व्याप्ती मर्यादित करून मोठ्या वर्गाला कायदेशीर संरक्षणापासून वंचित ठेवण्याचा प्रयत्न होत असल्याचा आरोप करत आंदोलकांनी सरकारविरोधात घोषणाबाजी केली.
जिल्हाधिकारी कार्यालय येथे मोर्चाची सांगता झाल्यावर जिल्हा प्रशासनाला निवेदन देण्यात आले. वादग्रस्त विधेयक तातडीने मागे घेण्याची आणि तृतीयपंथीयांना सन्मानाने जगता येईल असे कायदे लागू करण्याची मागणी निवेदनाद्वारे करण्यात आली.
मागण्यांची पूर्तता न झाल्यास उग्र आंदोलन छेडण्याचा इशारा यावेळी देण्यात आला.
