बेळगावी | प्रतिनिधी
शासकीय व शासकीय अनुदानित शाळांमधील विद्यार्थ्यांना योग्य करिअरची दिशा मिळावी, या उद्देशाने नयी दिशा फाउंडेशनतर्फे ११ जानेवारी २०२६ रोजी भव्य करिअर मार्गदर्शन कार्यक्रमाचे आयोजन करण्यात आले. या उपक्रमात सुमारे २५० विद्यार्थ्यांनी सहभाग घेतला.
या कार्यक्रमात मार्गदर्शक म्हणून उपस्थित असलेल्या श्री. विनायकुमार बागली यांनी विद्यार्थ्यांना मार्गदर्शन करताना मोठी स्वप्ने पाहण्याचे धाडस बाळगा, स्वतःच्या आवडी व क्षमतांची ओळख करून घ्या आणि ठरवलेल्या ध्येयाकडे सातत्याने वाटचाल करा, असा सल्ला दिला. योग्य करिअर निवडीसाठी आत्मपरीक्षण, शिस्तबद्ध अभ्यास, परिश्रम आणि सतत शिकण्याची वृत्ती अत्यावश्यक असल्याचे त्यांनी नमूद केले.
कार्यक्रमाला सौ. लीलावती एच. (डीडीपीआय), श्री. वाय. जे. भजंत्री (बीईओ), श्री. आय. डी. हिरेमठ (बीआरसी), बेळगावी यांची प्रमुख उपस्थिती लाभली. नयी दिशा फाउंडेशनच्या अध्यक्षा सौ. शोभा डोड्डणवर व सचिव सौ. अंकिता पाटील यांनी विद्यार्थ्यांना प्रेरणादायी संदेश दिला.
कार्यक्रमाचे सूत्रसंचालन सौ. प्रियंका जे. यांनी प्रभावीपणे पार पाडले. नयी दिशा फाउंडेशनचे सर्व पदाधिकारी व सदस्य या उपक्रमाच्या यशस्वी आयोजनासाठी उपस्थित होते.
हा करिअर मार्गदर्शन कार्यक्रम विद्यार्थ्यांसाठी अत्यंत प्रेरणादायी ठरला असून, त्यांच्या भविष्यासंदर्भात आत्मविश्वास वाढवणारा आणि योग्य निर्णय घेण्यासाठी मार्गदर्शक ठरल्याचे मत उपस्थित शिक्षक व पालकांनी व्यक्त केले.
