“गरीबांच्या पोटावर लाथ मारू नका” या आशयाचे निवेदन देत व्यापाऱ्यांनी स्पष्ट केले की, अनेक कुटुंबे या व्यवसायावर पूर्णपणे अवलंबून आहेत. पार्किंगच्या कारणावरून दुकाने हटविण्याचा दबाव टाकला जात असल्याचा आरोपही त्यांनी केला. पर्यायी जागेची व्यवस्था न करता थेट कारवाई करणे अन्यायकारक ठरेल, असे त्यांचे म्हणणे आहे.
दरम्यान, या प्रश्नावर सोमवारी ताहसीलदार कार्यालयासमोर निदर्शने करण्यात आली. आंदोलनकर्त्यांचा आरोप आहे की, काही स्वार्थी घटकांकडून बळजबरीने दुकाने हटविण्याचे प्रयत्न सुरू आहेत.
या वेळी दलित संघर्ष समिती (DSS) चे तालुका अध्यक्ष सुरेश भजनत्री यांनी इशारा देताना सांगितले की, “दलित व वंचित घटकांच्या उपजीविकेवर घाला घालण्याचा कोणताही प्रयत्न सहन केला जाणार नाही. गरज पडल्यास जिल्हाधिकाऱ्यांच्या कार्यालयासमोर तीव्र आंदोलन छेडले जाईल.”
https://youtube.com/shorts/4Gytox513N0?si=zpGzdQBPQksTuYJw
निदर्शनात स्थानिक विविध संघटनांचे पदाधिकारी व कार्यकर्ते सहभागी झाले होते. आंदोलनकर्त्यांनी ताहसीलदारामार्फत जिल्हाधिकाऱ्यांना निवेदन सादर करत, लघुव्यापाऱ्यांच्या पुनर्वसनाचा ठोस निर्णय घ्यावा, अशी मागणी केली.
स्थानिक प्रशासनाने या संवेदनशील प्रश्नावर सकारात्मक भूमिका घेऊन संवादातून तोडगा काढावा, अशी अपेक्षा व्यक्त होत आहे.
