याच अनुषंगाने गावाचे पीडीओ (Public Development Officer) गोविंद रंगप्पागोळ यांनी नागरिकांच्या अडचणी जाणून घेण्यासाठी रात्रीच्या वेळेत गावात पाहणी दौरे सुरू केले आहेत. प्रत्येक वस्तीमध्ये जाऊन नागरिकांशी संवाद साधत त्यांनी प्रत्यक्ष समस्या जाणून घेतल्या. त्यांच्या या पुढाकारामुळे ग्रामस्थांमध्ये समाधानाचे वातावरण निर्माण झाले आहे.
सध्या गावात विविध विकासकामे अंतिम टप्प्यात असून, रस्ते दुरुस्ती, गटारी बांधकाम आदी कामांना गती मिळाली आहे. यात्रेदरम्यान कोणत्याही प्रकारची गैरसोय होऊ नये यासाठी प्रशासनाने विशेष नियोजन केले आहे.
पीडीओ गोविंद रंगप्पागोळ यांच्या सक्रिय कार्यपद्धतीमुळे गावात सकारात्मक वातावरण निर्माण झाले असून, त्यांच्या कामाचे सर्वत्र कौतुक होत आहे. यात्रेच्या यशस्वी आयोजनासाठी ग्रामपंचायत आणि स्थानिक प्रशासन सज्ज झाले आहे.
