*अगसगेत हरिभक्त पारायण सोहळा; मलगौडा पाटील यांच्या हस्ते महाप्रसाद वितरण*

बेळगाव तालुक्यातील कडोली जिल्हा पंचायत क्षेत्रात येणाऱ्या अगसगे गावात बुधवारी (दि. 25 मार्च 2026) धार्मिक आणि सामाजिक एकात्मतेचा संगम घडवणारा हरिभक्त पारायण महाप्रसाद सोहळा उत्साहात पार पडला.

या सोहळ्याला कर्नाटक राज्याचे सार्वजनिक बांधकाम मंत्री व जिल्ह्याचे पालकमंत्री सतीश जारकीहोळी यांचे निकटवर्तीय सहायक आणि केपीसीसी सदस्य मलगौडा पाटील यांनी उपस्थित राहून धार्मिक विधी पूर्ण केले.
कार्यक्रमादरम्यान पारायण मंडळातील वारकऱ्यांचा सन्मान करण्यात आला. याशिवाय विविध क्षेत्रात उल्लेखनीय यश संपादन करून राष्ट्रीय स्तरावर निवड झालेल्या विद्यार्थ्यांचाही गौरव करण्यात आला, ज्यामुळे कार्यक्रमाला विशेष महत्त्व प्राप्त झाले.

मलगौडा पाटील यांच्या हस्ते महाप्रसादाचे वितरण करण्यात आले. या प्रसंगी ग्रामपंचायत पदाधिकारी, सदस्य आणि मोठ्या संख्येने ग्रामस्थ उपस्थित होते.
या धार्मिक उपक्रमामुळे गावात आध्यात्मिक वातावरण निर्माण होऊन सामाजिक सलोखा अधिक दृढ झाल्याची भावना उपस्थितांनी व्यक्त केली.