या स्नेहमेळाव्याला मराठा मंडळ ग्रुप ऑफ इन्स्टिट्यूशन्सच्या अध्यक्षा डॉ. राजेश्री नागराजू यांनी प्रमुख पाहुण्या म्हणून उपस्थिती दर्शवली. त्यांच्यासमवेत पॉलिटेक्निकचे प्राचार्य आर. एस. सूर्यवंशी, उपप्राचार्या आशा तोरवी, अॅल्युमनी सचिव चेतन बैलूर, खजिनदार सचिन वांगिकर, उपाध्यक्ष शोधन चौगुले, तसेच शिवानी पाटील व मानसी सोमनाचे यांची प्रमुख उपस्थिती होती.
या कार्यक्रमात पॉलिटेक्निकचे 100 हून अधिक माजी विद्यार्थी सहभागी झाले होते. दीर्घकाळानंतर एकत्र आलेल्या माजी विद्यार्थ्यांनी जुन्या आठवणींना उजाळा देत संस्थेच्या प्रगतीसाठी योगदान देण्याची भावना व्यक्त केली.
यावेळी आर्थिकदृष्ट्या दुर्बल पार्श्वभूमीतील विद्यार्थ्यांसाठी प्रत्येक विभागाला शासन शुल्क शिष्यवृत्तीचे वितरण करण्यात आले. तसेच उद्याच्या गरजा लक्षात घेऊन पॉलिटेक्निकसाठी उच्च दर्जाची साउंड सिस्टीम अॅल्युमनी असोसिएशनकडून देणगी स्वरूपात प्रदान करण्यात आली.
सिव्हिल विभागाचे माजी विद्यार्थी श्री. विश्वनाथ लेक्कड यांनी संस्थेच्या विकासासाठी १ लाख रुपयांची देणगी जाहीर केली. यासह भविष्यात आणखी आर्थिक व पायाभूत सहकार्य करण्याचा निर्धार सर्व माजी विद्यार्थ्यांनी व्यक्त केला.
दुपारच्या सत्रात विद्यार्थ्यांच्या नृत्य व गायन सादरीकरणांनी कार्यक्रमात रंगत भरली. या मनोरंजनात्मक उपक्रमांमुळे संपूर्ण परिसर आनंदी आणि उत्साही वातावरणाने भारावून गेला.
कार्यक्रम यशस्वी करण्यासाठी पांडुरंग पिंगट, दीपक तराळे, गौरी उप्पीन, बहुराव मोरे यांनी विद्यार्थी समन्वयकांच्या सहकार्याने विशेष परिश्रम घेतले. त्यांच्या नियोजनबद्ध आणि सातत्यपूर्ण प्रयत्नांमुळे हा स्नेहमेळावा संस्मरणीय ठरला.
