बेळगाव : सरकारी शिक्षक शिक्षण महाविद्यालय, बेळगावच्या एनएसएस विभागामार्फत दिनांक २२ सप्टेंबर ते २८ सप्टेंबर २०२५ या कालावधीत कंग्राळी बीके गावात विशेष वार्षिक शिबिराचे आयोजन करण्यात आले होते.
या शिबिरादरम्यान स्वयंसेवकांनी ग्रामपंचायत,मंदिरे श्री कलमेश्वर मंदिर ,बस स्थानक परिसरात स्वच्छता मोहिम राबवली. यासोबतच गावकऱ्यांमध्ये स्वच्छता, आरोग्य व सामाजिक जबाबदारीबाबत जनजागृती कार्यक्रमांचे आयोजन करण्यात आले.
गावातील विविध सार्वजनिक ठिकाणांची स्वच्छता करून गावाच्या सौंदर्यात भर टाकणाऱ्या एनएसएस स्वयंसेवकांचे गावकऱ्यांनी मनःपूर्वक आभार मानले. या उपक्रमामुळे युवकांबरोबरच गावकऱ्यांमध्येही समाजकार्याची प्रेरणा जागृत झाली आहे.
