या भेटीदरम्यान आमदारांनी परिसराची पाहणी करत स्थानिक नागरी सुविधांची स्थिती जाणून घेतली. रस्त्यांची दुरवस्था, नाल्यांची स्वच्छता, स्वच्छता व्यवस्था तसेच इतर स्थानिक विकासाशी संबंधित प्रश्न नागरिकांनी त्यांच्या समोर मांडले.
नागरिकांच्या तक्रारी ऐकून घेत आमदार आसिफ राजू सेठ यांनी संबंधित विभागांशी समन्वय साधून शक्य तितक्या लवकर समस्या सोडवण्याचे आश्वासन दिले. जनतेशी थेट संवाद साधण्यामुळे प्रत्यक्ष परिस्थितीची माहिती मिळते आणि प्रश्नांवर तत्काळ उपाययोजना करणे सोपे होते, असे त्यांनी सांगितले.
या जनता दरबारावेळी परिसरातील नागरिक, स्थानिक प्रतिनिधी तसेच सामाजिक कार्यकर्ते उपस्थित होते. आमदारांनी प्रत्यक्ष भेट देऊन नागरिकांच्या अडचणी जाणून घेतल्याबद्दल स्थानिकांनी समाधान व्यक्त केले.
