बेंगळुरू : एम. एस. रामय्या इन्स्टिट्यूट ऑफ टेक्नॉलॉजी (M. S. Ramaiah Institute of Technology) या देशातील नामांकित अभियांत्रिकी महाविद्यालयातून यांत्रिक अभियांत्रिकी शाखेचे शिक्षण यशस्वीरित्या पूर्ण केलेल्या विद्यार्थ्याला, त्याच्या वडिलांकडून पदवीदान दिनी एक हृदयस्पर्शी शुभेच्छा संदेश देण्यात आला.
दिनांक 8 ऑक्टोबर 2025 रोजी झालेल्या Graduation Day निमित्त वडिलांनी व्यक्त केलेल्या भावना केवळ आपल्या मुलासाठीच नव्हे, तर सर्व पालकांसाठी प्रेरणादायी ठरतील. त्यांनी म्हटले —
“तू अभियांत्रिकी शिक्षण पूर्ण करून माझे स्वप्न साकार केलेस. आजचा दिवस माझ्यासाठी अत्यंत अभिमानाचा आहे. तुझ्या मेहनतीमुळे कुटुंबाचं मस्तक उंचावलं आहे.”
यासोबतच, त्यांच्या मुलाची लोधा डेव्हलपर्स, बेंगळुरू या प्रतिष्ठित कंपनीत Graduate Engineer म्हणून झालेली निवड ही आणखी एक मोठी कामगिरी असल्याचे त्यांनी सांगितले.
आपल्या संदेशात त्यांनी पुढे लिहिले —
“खरा यशाचा अर्थ फक्त पदवी किंवा पद नसून जबाबदारी, प्रामाणिकपणा आणि समर्पण यात आहे. आपल्या कुटुंब, बहिण आणि कंपनीबद्दल निष्ठावान राहा. ह्याच मूल्यांमुळे तुझे जीवन अर्थपूर्ण बनेल.”
शेवटी त्यांनी भारतरत्न डॉ. बाबासाहेब आंबेडकर यांच्या प्रेरणादायी विचारांचा उल्लेख करत म्हटले —
“मनाची जोपासना हीच मानवी जीवनाची सर्वोच्च साधना असावी.”
“सतत शिकत राहा, वाढत राहा आणि आपल्या मुळांचा विसर पडू देऊ नको,” अशा शब्दांत वडिलांनी आपल्या मुलाला आशीर्वाद दिला.
