ಬಳ್ಳಾರಿ; 06:ಸಪ್ತಸ್ವರ ಸಾಂಸ್ಕೃತಿಕ ಬಯಲಾಟ ಕಲಾ ಟ್ರಸ್ಟ್ ನಿಂದ ಬಂಡಿಯಲ್ಲಿ ವೀರ ಅಭಿಮನ್ಯು ಕಾಳಗ 30 ದಿನಗಳ ತರಬೇತಿ ಶಿಬಿರ ಹಮ್ಮಿಕೊಳ್ಳಲಾಗಿದೆ.
ಶಿಬಿರದ ಉದ್ಘಾಟನೆಯನ್ನು ಬಳ್ಳಾರಿ ಮಹಾ ನಗರ ಪಾಲಿಕೆ ಸದಸ್ಯ ಗೋವಿಂದ ರಾಜು ಉದ್ಘಾಟಿಸಿದರು.
ಇದೇ ವೇಳೆ ಮಾತನಾಡಿ, ಬಯಲಾಟ ಪದರ್ಶನಕ್ಕೆ ಇಂತಹ ತರಬೇತಿ ಶಿಬಿರಗಳು ಅವಶ್ಯಕವಾಗಿವೆ. ತರಬೇತಿ ಶಿಬಿರಗಳು ನಡೆಸಿದರೆ, ಇವು ಮುಂದಿನ ಪೀಳಿಗೆಗೆ ಗುರುಕುಲ ಆದಂತೆ ಎಂದರು ಹೇಳಿದರು.
ಮುಖ್ಯ ಅತಿಥಿಗಳಾಗಿ ಭಾಗವಹಿಸಿದ್ದ ಸತ್ಯಂ ಶಿಕ್ಷಣ ಮಹಾ ವಿದ್ಯಾಲಯದ ಸಹಾಯಕ ಪ್ರಾಧ್ಯಾಪಕ ಆಲಂಬಾಷಾ, ರಂಗ ನಿರ್ದೇಶಕ ಮುದ್ದಟನೂರು ತಿಪ್ಪೇಸ್ವಾಮಿ, ಪತ್ರಕರ್ತ ಸಿದ್ಧರಾಮಪ್ಪ ಸಿರಿಗೇರಿ ಮಾತನಾಡಿದರು.
ಕಾರ್ಯಕ್ರಮದಲ್ಲಿ ಸಪ್ತಸ್ವರ ಸಾಂಸ್ಕೃತಿಕ ಬಯಲಾಟ ಕಲಾ ಟ್ರಸ್ಟ್ ಅಧ್ಯಕ್ಷ ಇ. ಹನುಮಾವದೂತಪ್ಪ, ಪಾಲಾಕ್ಷಗೌಡ, ತಬಲಾ ವೀರೇಶ್, ವ್ಯವಸ್ಥಾಪಕರಾದ ಇ.ರಾಜ, ಲಕ್ಷ್ಮಣ ಸೇರಿದಂತೆ ಮತ್ತಿತರರು ಉಪಸ್ಥಿತರಿದ್ದರು.
