ಬೆಂಗಳೂರು: ಕನ್ನಡದ ಜನಪ್ರಿಯ ಸುದ್ದಿ ವೇದಿಕೆ ಒನ್ಇಂಡಿಯಾ, ಡೈಲಿಹಂಟ್ ಮತ್ತು ಜೋಷ್ ಆ್ಯಪ್ಗಳ ಮಾತೃ ಸಂಸ್ಥೆಯಾದ ವರ್ಸೆ ಇನ್ನೋವೇಶನ್ (VerSe Innovation), ತನ್ನ ತಾಂತ್ರಿಕ ವಿಭಾಗವನ್ನು ಬಲಪಡಿಸಲು ಮುಂದಾಗಿದೆ. ಸಂಸ್ಥೆಯ ನೂತನ ಚೀಫ್ ಪ್ರಾಡಕ್ಟ್ ಅಂಡ್ ಟೆಕ್ನಾಲಜಿ ಆಫೀಸರ್ (CPTO) ಆಗಿ ಅನುಭವಿ ತಂತ್ರಜ್ಞ ಪ್ರಸನ್ನ ಪ್ರಸಾದ್ ಅವರನ್ನು ನೇಮಕ ಮಾಡಿರುವುದಾಗಿ ಇಂದು ಅಧಿಕೃತವಾಗಿ ಪ್ರಕಟಿಸಿದೆ.
ಏನಿದು ಹೊಸ ಜವಾಬ್ದಾರಿ?
ಈ ಮಹತ್ವದ ಹುದ್ದೆಯಲ್ಲಿ ಪ್ರಸನ್ನ ಪ್ರಸಾದ್ ಅವರು ವರ್ಸೆ ಸಂಸ್ಥೆಯ ಎಂಜಿನಿಯರಿಂಗ್, ಪ್ರಾಡಕ್ಟ್ ಮತ್ತು ಡೇಟಾ ಸೈನ್ಸ್ ವಿಭಾಗಗಳ ಸಂಪೂರ್ಣ ಉಸ್ತುವಾರಿ ವಹಿಸಲಿದ್ದಾರೆ. ಅವರ ಪ್ರಮುಖ ಗುರಿಗಳು ಹೀಗಿವೆ:
AI ಕ್ರಾಂತಿ: ವರ್ಸೆ ಸಂಸ್ಥೆಯ ಎಲ್ಲಾ ಪ್ಲಾಟ್ಫಾರ್ಮ್ಗಳಲ್ಲಿ ಕೃತಕ ಬುದ್ಧಿಮತ್ತೆ (AI) ಆಧಾರಿತ ನವೀನ ಸೌಲಭ್ಯಗಳನ್ನು ತರುವುದು.
ಸ್ಮಾರ್ಟ್ ಪರ್ಸನಲೈಸೇಶನ್: ಬಳಕೆದಾರರಿಗೆ ಅವರ ಇಷ್ಟದ ಕಂಟೆಂಟ್ ಅನ್ನು ಸುಲಭವಾಗಿ ತಲುಪಿಸುವಂತೆ ತಂತ್ರಜ್ಞಾನವನ್ನು ಸುಧಾರಿಸುವುದು.
ಕ್ರಿಯೇಟರ್ಸ್ ಬೆಂಬಲ: ಉತ್ತಮ ಗುಣಮಟ್ಟದ ಕಂಟೆಂಟ್ ತಯಾರಿಸಲು ಕ್ರಿಯೇಟರ್ಗಳಿಗೆ ವಿಶ್ವದರ್ಜೆಯ ಡಿಜಿಟಲ್ ವೇದಿಕೆ ಒದಗಿಸುವುದು.
ನೆಕ್ಸ್ಟ್ ಜನರೇಶನ್ ಅಡ್ವರ್ಟೈಸಿಂಗ್: ಎಐ ಆಟೊಮೇಷನ್ ಮೂಲಕ ಬ್ರಾಂಡ್ಗಳು ಮತ್ತು ಜಾಹೀರಾತುದಾರರಿಗೆ ಅತ್ಯುತ್ತಮ ಫಲಿತಾಂಶ ನೀಡುವ ವ್ಯವಸ್ಥೆ ರೂಪಿಸುವುದು.
ಎರಡು ದಶಕಗಳ ಅಪಾರ ಅನುಭವ
ಪ್ರಸನ್ನ ಪ್ರಸಾದ್ ಅವರು ಟೆಕ್ ಲೋಕದಲ್ಲಿ 20 ವರ್ಷಗಳಿಗೂ ಹೆಚ್ಚು ಕಾಲ ಕೆಲಸ ಮಾಡಿದ ಅನುಭವ ಹೊಂದಿದ್ದಾರೆ. ಇವರು ಈ ಹಿಂದೆ ವರ್ವ್ ಗ್ರೂಪ್’ನಲ್ಲಿ (Verve Group Inc.) ಸಿಟಿಒ ಆಗಿ 200ಕ್ಕೂ ಹೆಚ್ಚು ಸದಸ್ಯರ ಜಾಗತಿಕ ತಂಡವನ್ನು ಮುನ್ನಡೆಸಿದ್ದರು. ಅಮೆರಿಕ, ಭಾರತ ಹಾಗೂ ಯುರೋಪ್ಗಳಲ್ಲಿ ಕೆಲಸ ಮಾಡಿದ ಅನುಭವ ಹೊಂದಿರುವ ಇವರು, ಕ್ಲೌಡ್ ಮೂಲಸೌಕರ್ಯ ಮತ್ತು ಎಐ ಉತ್ಪನ್ನಗಳನ್ನು ನಿರ್ಮಿಸುವಲ್ಲಿ ಪರಿಣತಿ ಹೊಂದಿದ್ದಾರೆ.
