ರಾಜ್ಯದಲ್ಲಿ ಮೊದಲ ಬಾರಿಗೆ 2006-07ರಲ್ಲಿ ಬಿಜೆಪಿ ಅಧಿಕಾರದ ಚುಕ್ಕಾಣಿ ಹಿಡಿದ ಸಂದರ್ಭದಲ್ಲಿ ಮೊದಲ ಬಾರಿಗೆ ಸಿಎಂ ಹುದ್ದೆ ಅಲಂಕರಿಸಿದ್ದ ಬಿ.ಎಸ್. ಯಡಿಯೂರಪ್ಪ ಜಾರಿಗೆ ತಂದಿದ್ದ ಭಾಗ್ಯಲಕ್ಷ್ಮಿಬಾಂಡ್ ಯೋಜನೆ ಈಗ ಸಾಕಾರಗೊಳ್ಳುತ್ತಿದೆ. 2006-&07ರಲ್ಲಿ ಜನಿಸಿದ ಹೆಣ್ಣುಮಗುವಿಗೆ ಮಾಡಿಸಿದ್ದ ಭಾಗ್ಯಲಕ್ಷಿ$್ಮ ಬಾಂಡ್ಗಳು ಈಗ ಮೆಚ್ಯೂರಿಟಿ ಅವಧಿಗೆ ತಲುಪಿದ್ದು, ರಾಜ್ಯಾದ್ಯಂತ ಅರ್ಹ ಭಾಗ್ಯಲಕ್ಷಿ$್ಮಗಳಿಗೆ ಎಲ್ಐಸಿ ಮೂಲಕ ಹಣ ತಲುಪುತ್ತಿವೆ. ಅದೇ ರೀತಿ ಜಿಲ್ಲೆಯಲ್ಲೂ 4853 ಜನರಿಗೆ ಈಗಾಗಲೇ ಬಾಂಡ್ ಹಣ ಸಂದಾಯವಾಗಿದ್ದು, ಇನ್ನೂ ಹಲವು ಅರ್ಹರಿಗೆ ಸಂದಾಯ ಆಗಬೇಕಿದೆ. ಈವರೆಗೆ ಒಟ್ಟು 4853 ಜನ ಲಾನಿಭವಿಗಳಿಗೆ ತಲಾ 32,351 ರೂ ನಂತೆ ಒಟ್ಟು 15.69 ಕೋಟಿ ರೂ. ಪಾವತಿ ಆಗಿದೆ.
ಜಿಲ್ಲೆಯಲ್ಲಿ ಒಟ್ಟು 6849 ಮಹಿಳೆಯರು ತಮ್ಮ ಹೆಣ್ಣುಮಗುವಿಗೆ ಭಾಗ್ಯಲಕ್ಷ್ಮಿ ಬಾಂಡ್ ಮಾಡಿಸಿದ್ದರು. ಅದರಲ್ಲಿ 5313 ಮಹಿಳೆಯರ ದಾಖಲೆಗಳನ್ನು ಜಿಲ್ಲಾ ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆ ತಂತ್ರಾಂಶದಲ್ಲಿ ದಾಖಲಿಸಿದೆ. ಅದರಲ್ಲಿ 4853 ಮಹಿಳೆಯರಿಗೆ ಎಲ್ಐಸಿಯಿಂದ ಹಣ ಸಂದಾಯವಾಗಿದ್ದು, ಇನ್ನೂ 463 ಜನರಿಗೆ ಎಲ್ಐಸಿ ಯಿಂದ ಹಣ ಸಂದಾಯ ಆಗುವುದು ಬಾಕಿ ಇದೆ. ಇನ್ನೂ 1536 ಮಹಿಳೆಯರ ಬಾಂಡ್ಗಳು ಮೆಚ್ಯೂರಿಟಿ ಅವಧಿಗೆ ಬಾರದ ಕಾರಣ ತಂತ್ರಾಂಶದಲ್ಲಿ ದಾಖಲಿಸುವುದು ಬಾಕಿ ಇದ್ದು, ಮೆಚ್ಯೂರಿಟಿ ದಿನಾಂಕದ ನಂತರ ತಂತ್ರಾಂಶದಲ್ಲಿ ಅಳವಡಿಸಲಾಗುವುದು ಎಂದು ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆ ಅಧಿಕಾರಿಗಳು ತಿಳಿಸಿದ್ದಾರೆ.
ಬಡತನ ರೇಖೆಗಿಂತ ಕೆಳಗೆ ಇರುವ (ಬಿಪಿಎಲ್) ಕುಟುಂಬಗಳಲ್ಲಿ ಜನಿಸಿದ ಹೆಣ್ಣು ಮಕ್ಕಳ ಶಿಕ್ಷಣ ಮತ್ತು ಕ್ಷೇಮಾಭಿವೃದ್ಧಿಗಾಗಿ ಅಂದಿನ ಸಿಎಂ ಬಿ.ಎಸ್. ಯಡಿಯೂರಪ್ಪ ಅವರು ಭಾಗ್ಯಲಕ್ಷ್ಮಿ ಯೋಜನೆ ಜಾರಿಗೊಳಿಸಿತ್ತು. ಈ ಯೋಜನೆ ದೇಶಾದ್ಯಂತ ಪ್ರಸಿದ್ಧಿ ಪಡೆದಿತ್ತು. ಈ ಯೋಜನೆ ಜಾರಿಯಾಗಿ ಇದೀಗ 18 ವರ್ಷ ರ್ಪೂಣಗೊಂಡಿದೆ. ಬಾಂಡ್ಗಳು ಮೆಚ್ಯೂರಿಟಿ ಹಂತ ತಲುಪಿವೆ. ಈ ಯೋಜನೆಯಡಿ ಹೆಸರು ನೋಂದಾಯಿಸಿದ್ದ ಜಿಲ್ಲೆಯ ಹಲವರ ಬ್ಯಾಂಕ್ ಖಾತೆಗೆ ಹಣ ಸಂದಾಯವಾಗುತ್ತಿದ್ದು, ಲಾನುಭವಿಗಳಲ್ಲಿ ಹರ್ಷ ಮೂಡಿದೆ.
ನಿಬಂಧನೆಗಳು ಇದ್ದವು:
ಹೆಣ್ಣು ಮಕ್ಕಳನ್ನು ಬಾಲ್ಯ ವಿವಾಹ ಹಾಗೂ ಬಾಲ ಕಾಮಿರ್ಕ ಪದ್ಧತಿಗೆ ದೂಡದಿರುವುದನ್ನು ತಡೆಗಟ್ಟಲು ಹಾಗೂ ಹೆಣ್ಣು ಮಕ್ಕಳಿಗೆ ಕನಿಷ್ಠ 8ನೇ ತರಗತಿ ವರೆಗೆ ಶಿಕ್ಷಣ ನೀಡುವುದಕ್ಕಾಗಿ ಈ ಯೋಜನೆ ಜಾರಿ ತರಲಾಗಿತ್ತು. ಮೂರಕ್ಕಿಂತ ಹೆಚ್ಚು ಮಕ್ಕಳು ಹೊಂದಿದವರಿಗೆ ಈ ಯೋಜನೆ ಅನ್ವಯಿಸುವುದಿಲ್ಲ. ಹಲವು ನಿಬಂಧನೆಗಳನ್ನು ಈ ಯೋಜನೆಯ ಲಾಭ ಪಡೆಯಲು ವಿಧಿಸಲಾಗಿತ್ತು. ಈ ನಿಟ್ಟಿನಲ್ಲಿ ಅಂಗನವಾಡಿ ಕಾರ್ಯಕರ್ತೆಯರು ಖುದ್ದಾಗಿ ಮನೆಗಳಿಗೆ ಭೇಟಿ ನೀಡಿ ಸೂಕ್ತ ಮಾಹಿತಿಯನ್ನು ಪರಿಶೀಲಿಸಿ ಕ್ರಮ ಕೈಗೊಳ್ಳುತ್ತಿದ್ದಾರೆ.
ಏನಿದು ಯೋಜನೆ?
ಭಾರತೀಯ ಜೀವ ವಿಮೆ (ಎಲ್ಐಸಿ) ಸಹಯೋಗದೊಂದಿಗೆ 2006- 07ರಲ್ಲಿ ಅಂದಿನ ಸಿಎಂ ಬಿ. ಎಸ್.ಯಡಿಯೂರಪ್ಪ ನೇತೃತ್ವದ ಬಿಜೆಪಿ ಸರ್ಕಾರ ಭಾಗ್ಯಲಕ್ಷ್ಮಿ ಯೋಜನೆ ಜಾರಿಗೊಳಿಸಿತ್ತು. 2006ರ ಮಾರ್ಚ 31ರ ನಂತರ ಬಿಪಿಎಲ್ ಕಾರ್ಡ ಹೊಂದಿರುವವರ ಕುಟುಂಬದಲ್ಲಿ ಹೆಣ್ಣು ಮಗು ಜನಿಸಿದರೆ ಆ ಮಗುವಿನ ಹೆಸರಲ್ಲಿ ಬಾಂಡ್ಗಳನ್ನು ವಿತರಿಸಲಾಗಿತ್ತು. ಆ ಬಾಂಡ್ಗಳು ಈಗ 18 ವರ್ಷ ಪೂರೈಸಿದ ಹಿನ್ನೆಲೆಯಲ್ಲಿ ಪ್ರೌಢಾವಸ್ಥೆ (ಮೆಚ್ಯೂರಿಟಿ) ಹಂತಕ್ಕೆ ತಲುಪಿವೆ.
ಯಾರಿಗೆ ಎಷ್ಟು ಸಿಗುತ್ತೆ?
ಬಿಪಿಎಲ್ ಕಾರ್ಡದಾರ ಕುಟುಂಬದಲ್ಲಿ ಮಾ.31, -2006 ರಿಂದ ಜುಲೈ 2008 ರವರೆಗೆ ಜನಿಸಿದ ಹೆಣ್ಣು ಮಕ್ಕಳ ಹೆಸರಲ್ಲಿ ಸರ್ಕಾರದಿಂದ ಇಡಲಾದ 10,000 ರೂ. ಠೇವಣಿಗೆ 18 ವರ್ಷದ ಬಳಿಕ ಒಂದನೇ ಮಗುವಿಗೆ ಅಂದಾಜು 32 ಸಾವಿರ ರೂ. ಹಾಗೂ ಎರಡನೇ ಮಗುವಿಗೆ 40,619 ರೂ. ಸಿಗುತ್ತದೆ. ಆ.1, -2008ರ ನಂತರ ಜನಿಸಿದ ಹೆಣ್ಣು ಮಕ್ಕಳ ಹೆಸರಲ್ಲಿ ಸರ್ಕಾರ ಇರಿಸಿದ್ದ 19,300 ರೂ. ಠೇವಣಿ ಜತೆಗೆ 18 ವರ್ಷದ ಬಳಿಕ ಮೊದಲ ಹಾಗೂ ಎರಡನೇ ಹೆಣ್ಣು ಮಗುವಿಗೆ ಅಂದಾಜು 1 ಲಕ್ಷಕ್ಕೂ ಅಧಿಕ ರೂ. ಜಮೆ ಆಗಲಿದೆ. ಈ ವರೆಗೆ 1 ಲಕ್ಷಕ್ಕೂ ಅಧಿಕ ಮೊತ್ತ ಸಿಗುವ ಬಾಂಡ್ಗಳು ಮೆಚ್ಯೂರಿಟಿಗೆ ಬಂದಿಲ್ಲ ಎಂದು ಇಲಾಖೆ ತಿಳಿಸಿದೆ.
