ಮುದ್ದೇಬಿಹಾಳ : ಮುದ್ದೇಬಿಹಾಳ ನಗರದಲ್ಲಿ ಸ್ಥಾಪಿತವಾದ ದಾಸೋಹಿ ರೈತ ಉತ್ಪಾದಕ ಸಹಕಾರಿ ಸಂಘದ ಆರ್ಥಿಕ ವ್ಯವಹಾರಗಳಿಗೆ ತಮ್ಮ ಪವಿತ್ರ ಹಸ್ತಾಕ್ಷರದ ಮೂಲಕ ಕೊಪ್ಪಳದ ಗವಿಸಿದ್ದೇಶ್ವರ ಮಠದ ಅಭಿನವ ಗವಿ ಸಿದ್ದೇಶ್ವರ ಮಹಾಸ್ವಾಮಿಗಳು ವಿದ್ಯುಕ್ತ ಚಾಲನೆ ನೀಡಿದರು.
ನಗರದ ವಿದ್ಯಾನಗರದಲ್ಲಿರುವ ದಾಸೋಹಿ ರೈತ ಉತ್ಪಾದಕ ಸಮೂಹ ಸಂಸ್ಥೆಗಳ ಕಛೇರಿಯಲ್ಲಿ ನಡೆದ ಸಮಾರಂಭದಲ್ಲಿ ರೈತರ ಅಗತ್ಯತೆಗೆ ಪೂರಕ ಆರ್ಥಿಕ ನೆರವು ಒದಗಿಸಲು ಮತ್ತು ವ್ಯವಹಾರಿಕ ಚಟುವಟಿಕೆಗಳಿಗೆ ಸಹಕಾರ ನೀಡುವ ಉದ್ದೇಶದಿಂದ ಅಸ್ತಿತ್ವ ಪಡೆದ ನೂತನ ದಾಸೋಹಿ ರೈತ ಉತ್ಪಾದಕ ಸಹಕಾರಿ ಸಂಘವನ್ನು ಉದ್ಘಾಟಿಸಿದ ಅವರು ರೈತರೇ ಸೇರಿ ಕಟ್ಟಿದ ಸಂಸ್ಥೆಯ ಮೂಲಕ ರೈತರ ಆರ್ಥಿಕ ಮತ್ತು ಸಾಮಾಜಿಕ ಸ್ಥಿತಿಗಳ ಉನ್ನತೀಕರಣಕ್ಕೆ ನಡೆಸುತ್ತಿರುವ ಪ್ರಯತ್ನಗಳನ್ನು ಶ್ಲಾಘಿಸಿದರು.
ರೈತರ ಒಡೆತನದಲ್ಲಿ ಸಮೃದ್ಧಿಯತ್ತ ನಡಿಗೆ ಎಂಬ ಧ್ಯೇಯ ವಾಕ್ಯದೊಂದಿಗೆ ರೈತರ ಆರ್ಥಿಕ ಬಲವರ್ಧನೆ, ಗ್ರಾಮೀಣ ಉದ್ಯಮಶೀಲತೆ ಮತ್ತು ಸುಸ್ಥಿರ ಸಮೃದ್ಧಿಯತ್ತ ಸಹಕಾರದ ಮೂಲಕ ಸಾಗುವುದರೊಂದಿಗೆ ಉತ್ತರೋತ್ತರ ಅಸಂಖ್ಯಾತ ರೈತರ ಬದುಕು ಕಟ್ಟಿ ಕೊಡುವ ನಿಟ್ಟಿನಲ್ಲಿ ದಾಸೋಹಿಯ ಹೆಸರು ಚಿರಸ್ಥಾಯಿಯಾಗಲೆಂದು ಆಶೀರ್ವದಿಸಿದರು.
ಈ ಮೊದಲು ದಾಸೋಹಿ ಸಮೂಹ ಸಂಸ್ಥೆಗಳ ರೈತ ಕೇಂದ್ರೀಕೃತ ಚಟುವಟಿಕೆಗಳು, ಸೇವೆಗಳು ಹಾಗೂ ಸೌಲಭ್ಯಗಳ ಬಗ್ಗೆ ತಿಳಿದು ಮೆಚ್ಚುಗೆ ವ್ಯಕ್ತಪಡಿಸಿದರು.
ಸಮಾರಂಭದಲ್ಲಿ ದಾಸೋಹಿ ಸಮೂಹ ಸಂಸ್ಥೆಗಳ ರೂವಾರಿ ಅರವಿಂದ ಹು. ಕೊಪ್ಪ, ಕುಕ್ಕುಟ ಕಂಪನಿಯ ಚೇರ್‍ಮನ್ ರಶ್ಮಿ ಕೊಪ್ಪ, ಉಪಾಧ್ಯಕ್ಷ ಆರ್.ಬಿ ಸಜ್ಜನ, ಸಹಕಾರಿ ಸಂಘದ ಉಪಾಧ್ಯಕ್ಷ ಮಂಜುನಾಥ ಕಳಸಗೊಂಡ, ನಿರ್ದೇಶಕರಾದ ಅಮರೇಶ ಹಟ್ಟಿ, ಸಿದ್ದಪ್ಪ ಕುರಿ,ಕಾಶೀನಾಥ ಹೆಬ್ಬಾಳ, ಭೀಮಾಶಂಕರಗೌಡ ಪಾಟೀಲ, ಗುರುಬಸಪ್ಪಗೌಡ ಪಾಟೀಲ, ಪ್ರೀತಿ ದೇಗಿನಾಳ, ಕಲ್ಲನಗೌಡ ಹಗರಟಗಿ, ಕಾಂತು ಲಮಾಣಿ, ಮಲ್ಲಣ್ಣ ಮಂಗ್ಯಾಳ, ಬಸವರಾಜ ಸಿದ್ದಾಪೂರ, ಲೇಶಪ್ಪ ಪ್ಯಾಟಿಗೌಡರ, ಕಂಪನಿ ನಿರ್ದೇಶಕರಾದ ಕಲ್ಲಣ್ಣ ಪ್ಯಾಟಿ, ಜಗದೀಶ ಪಂಪಣ್ಣವರ, ಗೋಲಪ್ಪ ಗಂಗನಗೌಡ್ರ, ಸೋಮನಗೌಡ ಬಿರಾದಾರ(ಮಡಿಕೇಶ್ವರ), ಶ್ರೀಶೈಲ ಮೇಟಿ(ಚೊಂಡಿ),ಪ್ರಭುದೇವಯ್ಯ ಹಿರೇಮಠ, ಬಸವರಾಜ ಕುಂಟೋಜಿ, ಭೀಮಣ್ಣ ಮಳಗೌಡರ, ರವೀಂದ್ರ ಕೋಳೂರ, ಪರಸಪ್ಪ ಮೇಟಿ, ಗುಂಡಪ್ಪ ಬಿರಾದಾರ, ಡಾ. ವಿಜಯ ಹುಬ್ಬಳ್ಳಿ, ಕಾರ್ಯನಿರ್ವಾಹಕ ಮಂಡಳಿ ಅಧ್ಯಕ್ಷ ಸಿ.ಆರ್ ಬಿರಾದಾರ, ಉಪಾಧ್ಯಕ್ಷ ಬಿ.ಎಂ ಪಾಟೀಲ ಸೇರಿದಂತೆ ದಾಸೋಹಿ ಸಮೂಹ ಸಂಸ್ಥೆಗಳ ಪದಾಧಿಕಾರಿಗಳು,ವಿವಿಧ ಗ್ರಾಮಗಳಿಂದ ಆಗಮಿಸಿದ ರೈತರು, ಸಿಬ್ಬಂದಿ ಹಾಗೂ ಹಿತೈಷಿಗಳು ಉಪಸ್ಥಿತರಿದ್ದರು.
ಸಹಕಾರಿ ಸಂಘದ ಆರ್ಥಿಕ ಚಟುವಟಿಕೆಗಳಿಗೆ ಪರಮಪೂಜ್ಯರ ಹಸ್ತಸ್ಪರ್ಶದ ಮೂಲಕ ದೊರೆತ ಈ ಶುಭಾರಂಭವು ದಾಸೋಹಿ ಸಮೂಹ ಸಂಸ್ಥೆಗಳ ಇತಿಹಾಸದಲ್ಲಿ ವಿಶೇಷ ಹಾಗೂ ಐತಿಹಾಸಿಕ ಕ್ಷಣಕ್ಕೆ ಸಾಕ್ಷಿಯಾಯಿತು.
ಮೊದಲಿಗೆ ನಾಗರತ್ನಾ ಅರಮನಿ ಸ್ವಾಗತಿಸಿದರು. ಡಾ. ರಾಜಶೇಖರ ಹತ್ತರಸಂಗ ಪ್ರಾಸ್ತಾವಿಕ ಮಾತುಗಳನ್ನಾಡಿದರು. ರಶ್ಮಿ ಗೋನಾಳ ಕಾರ್ಯಕ್ರಮ ನಿರೂಪಿಸಿದರು. ಕೊನೆಯಲ್ಲಿ ಶೇಖರಗೌಡ ವಂದಿಸಿದರು.
