ರಹಾನೆಗೆ ₹12 ಲಕ್ಷ ದಂಡ – ಕೆಕೆಆರ್‌ಗೆ ಮತ್ತೊಂದು ಆಘಾತ

ಚೆನ್ನೈ: 2026ರ ಐಪಿಎಲ್ ಆವೃತ್ತಿಯಲ್ಲಿ ಇನ್ನೂ ಗೆಲುವಿನ ಖಾತೆ ತೆರೆಯದ Kolkata Knight Riders ತಂಡದ ನಾಯಕ Ajinkya Rahaneಗೆ ಮತ್ತೊಂದು ಶಾಕ್ ಎದುರಾಗಿದೆ. ಚೆನ್ನೈ ವಿರುದ್ಧದ ಸೋಲಿನ ಬೆನ್ನಲ್ಲೇ Board of Control for Cricket in India ₹12 ಲಕ್ಷ ದಂಡ ವಿಧಿಸಿದೆ. ಈವರೆಗೂ ಜಯದ ಸಿಹಿ ಕಾಣದ ಕೆಕೆಆರ್ ತಂಡ ಮಂಗಳವಾರ (ಏ.14) ನಡೆದ ಪಂದ್ಯದಲ್ಲಿ ನಿಧಾನಗತಿಯ ಓವರ್ ರೇಟ್ ಕಾಯ್ದುಕೊಂಡ ಕಾರಣ ರಹಾನೆಗೆ ಈ ದಂಡ ವಿಧಿಸಲಾಗಿದೆ.

ಚೆನ್ನೈಯ M. A. Chidambaram Stadiumನಲ್ಲಿ ನಡೆದ ಪಂದ್ಯದಲ್ಲಿ Chennai Super Kings ವಿರುದ್ಧ ಅಗತ್ಯವಾದ ಓವರ್ ರೇಟ್ ಕಾಯ್ದುಕೊಳ್ಳಲು ವಿಫಲವಾದ ಕಾರಣ, ಐಪಿಎಲ್ ನೀತಿ ಸಂಹಿತೆಯ ಆರ್ಟಿಕಲ್ 2.22 ಅಡಿಯಲ್ಲಿ ಮೊದಲ ಉಲ್ಲಂಘನೆಗಾಗಿ ₹12 ಲಕ್ಷ ದಂಡ ವಿಧಿಸಲಾಗಿದೆ ಎಂದು ಬಿಸಿಸಿಐ ತಿಳಿಸಿದೆ.ಈ ಆವೃತ್ತಿಯಲ್ಲಿ ಕೆಕೆಆರ್ ಈಗಾಗಲೇ 5 ಪಂದ್ಯಗಳನ್ನು ಆಡಿದ್ದು, ಒಂದಲ್ಲಿಯೂ ಗೆಲುವು ಸಾಧಿಸಿಲ್ಲ. ಮುಂದಿನ ಪಂದ್ಯವನ್ನು ಶುಕ್ರವಾರ (ಏ.17) Gujarat Titans ವಿರುದ್ಧ ಆಡಲಿದೆ.

ನಿನ್ನೆ ನಡೆದ ಪಂದ್ಯದಲ್ಲಿ ಕೆಕೆಆರ್ ಆರಂಭದಲ್ಲೇ ಹಿನ್ನಡೆ ಅನುಭವಿಸಿತು. ಅನ್ಶುಲ್ ಕಂಬೋಜ್ ಎಸೆದ 2ನೇ ಓವರ್‌ನಲ್ಲಿ ಫಿನ್ ಅಲೆನ್ 1 ರನ್‌ಗೆ ಔಟಾದರು. ಬಳಿಕ ಖಲೀಲ್ ಅಹ್ಮದ್ ಎಸೆದ ಓವರ್‌ನಲ್ಲಿ ಸುನಿಲ್ ನರೈನ್ 24 ರನ್ ಗಳಿಸಿ ಪೆವಿಲಿಯನ್ ಸೇರಿದರು. ಮೊದಲ ಪವರ್‌ಪ್ಲೇಯಲ್ಲೇ ಎರಡು ಪ್ರಮುಖ ವಿಕೆಟ್ ಕಳೆದುಕೊಂಡ ಕೆಕೆಆರ್ ಒತ್ತಡಕ್ಕೆ ಸಿಲುಕಿತು.

ಸವಾಲಿನ ಮೊತ್ತವನ್ನು ಬೆನ್ನಟ್ಟಿದ ಕೆಕೆಆರ್ ತಂಡ 7 ವಿಕೆಟ್ ನಷ್ಟಕ್ಕೆ 160 ರನ್ ಗಳಿಸಿ ಸೋಲು ಕಂಡಿತು.